May isa na namang kaanak ang Sonora-Cruz clan na papasok sa showbiz.
Ang 24-year old daughter ni Sheryl Cruz na si Nicole Sonora ay hindi maikakailang anak nga ng showbiz royalty ng mga Sonora at Cruz.Sa ganda, husay magsalita at yung ‘aura’ ng isang celebrity ay taglay nga ni Nicole.
Apo siya ni Rosemarie Sonora na kapatid ni movie queen Susan Roces, na asawa naman ng King of Phil. Movies na si Fernando Poe Jr, at pamangkin ni dating Senador Grace Poe-Llamanzares
Sa Cruz side naman ay kaanak niya ang mga kilalang sina Donna, Geneva, Rayver, Rodjun at ang icon na si Tirso Cruz lll.
Sa programang “Fast Talk With Boy Abunda” sa GMA 7, kasama niyang nakipagkuwentuhan ang kanyang pamosong nanay na noong umpisa daw na magpakita ng interes ang anak sa showbiz ay kinabahan siya dahil sa naturang sektor na nga daw siya lumaki.
“But she is a very diligent, hardworking and sweet daughter. Talagang sinunod niya yung usapan naming magtapos muna siya ng pag-aaral dahil yun naman ang dream ng bawat magulang. To see their daughter or son na may natapos sa pag-aaral, ” saad ni Sheryl.
Ang bongga kay Nicole, hindi lang siya basta nagtapos ng pag-aaral dahil grumadweyt siya bilang summa cum laude mula sa San Francisco State University, USA noong 2023.
Sey pa nito, “I think my passion for performance has always been ingrained in me. Honestly, acting, story and creation, since preschool po I’ve always always wanted to be an actor.”
Ang college professor daw niya ang nag-encourage sa kanya na pasukin ang showbiz dahil sa nakitaan nga siya nito ng husay sa pagsusulat at potential sa medium ng pag-arte at produksyon.
“I didn’t think it would be my career path at first, not until towards the end of college, when a professor told me, ‘You have potential. You should try to enhance it. So since then, parang namulat ako na ah parang kaya pala ‘to. Kasi that person who is saying it is somebody na sa America pa ‘to,” kuwento ni Nicole.
Para naman sa ina nitong sa showbiz na nga lumaki at nakilala, naka-suporta daw siya sa pangarap ng anak kahit pa noong una ay may reservations siya.
“At first, like any other parent, showbiz is very hard. But I cannot take that away from her because it’s in her blood,” sey ni Sheryl.
Hirit pa nito, “I know she will have something to fall back on because tapos naman na siya ng kanyang pag-aaral, but of course hindi ko pwede sa kaniyang ipagkait itong passion to pursue what is in her blood which is acting, and the love of singing and creation because she’s also a talented writer.”
“I wish you well in your showbiz endeavors and please don’t lose your moral compass. I want you to have the time of your life here in show business. For whatever happens, if it’s a roller coaster ride of emotions, then I just want you to enjoy the ride and know yourself better than anyone else,” payo nito sa anak.
Inilarawan ni Nicole bilang cool at friendly mother si Sheryl kahit daw madalas din silang magtalo gaya ng ibang mother-daughter.
“But she will always be my best friend. Lahat ng tungkol sa akin, ng kung ano meron ako here in my mind and heart, alam niya. Hindi uso sa amin ang magtago kaya okey na okey po at bukas lagi ang aming mga puso sa anuman,” sagot naman ni Nicole.