Walang temporary restraining order (TRO) o status quo ante order mula sa Supreme Court para kay Sen. Ronald “Bato” Dela Rosa laban sa posibleng pag-aresto sa kanya batay sa warrant ng International Criminal Court.
Sa special session nitong May 20, kumilos ang Supreme Court En Banc sa kasong G.R. No. 278747, Rodrigo Roa Duterte and Senator Ronald “Bato” M. Dela Rosa v. Hon. Lucas Bersamin, et al.
Sa botong 9-5-1, tinanggihan ng Korte Suprema ang hiling ni Dela Rosa para sa TRO, at status quo ante order (SQAO).
Ayon sa Supreme Court Office of the Spokesperson, ilalabas sa website ng Korte Suprema ang full Resolution, pati separate concurring at dissenting opinions ng mga mahistrado, sa May 25.
Humingi si Dela Rosa ng proteksyon laban sa pag-aresto batay sa ICC warrants, Interpol notices, o foreign orders kung walang warrant mula sa Philippine court. Inihain ang kaso kasama si dating President Rodrigo Duterte. Sinabi ng Korte na interim relief lamang ang niresolba nito, habang nakabinbin pa ang main case. /Bistado