Magbabalik ang Reyes Cup at ang Philippines Open Pool Championship ngayong Oktubre, ayon sa anunsyo ng World Nine Ball Tour, katuwang ang Puyat Sports.
Gaganapin ang Reyes Cup mula Oktubre 15 hanggang 18, na susundan ng Philippines Open Pool Championship mula Oktubre 20 hanggang 24 sa Gateway Mall sa Cubao, Quezon City.
Ang Reyes Cup ay ipinangalan kay Efren “Bata” Reyes, isa sa pinaka kilalang manlalaro ng bilyar sa buong mundo.
Ipagtatanggol ng Team Asia, sa pamumuno ng isa pang alamat ng bilyar, si Francisco “Django” Bustamante, ang kanilang korona sa Reyes Cup matapos magkampeon sa magkasunod na taon.
Tinalo ng Team Asia ang Team Europe noong 2024 sa iskor na 11-6 at ang Team Rest of the World, 11-3, noong nakaraang taon.
Pamumunuan naman ni Ralf Souquet, isa sa pinakamahusay na manlalaro sa kasaysayan ng isport, ang Team Rest of the World sa unang pagkakataon.
“Bringing both the Reyes Cup and the Philippines Open back in 2026 fills us with enormous pride. With the Reyes Cup returning alongside the Philippines Open at Gateway Mall, and Filipino fans who are simply the best in the world, we cannot wait to welcome everyone back to Manila for another unforgettable October,” ani Aristeo “Putch” Puyat sa isang pahayag nitong Martes.
Nagtakda ng bagong pamantayan ang inaugural edition noong 2025 kung ano ang maaaring maging isang Matchroom Major: Single-elimination format sa gitna ng mall.
Nag-kampeon si David Alcaide ng Spain kontra Arseni Sevastyanov ng Finland, 13–3.
Inaasahan din ng mga Pilipino na maagaw ni world champion Carlo Biado ang titulo.
“The Philippines is the home of pool and these two events prove it every October. The talent we have here in Asia is incredible, but it is the fans who make Manila like nowhere else in the world. When that crowd gets behind you, it is something you never forget. I am so proud of what the Reyes Cup and the Philippines Open have become, and I know our fans will make October 2026 very special once again,” ani Reyes sa isang pahayag.