Kumpiyansa si House prosecutor at Bicol Saro Party-list Rep. Terry Ridon na matatapos sa oras ang ongoing evidence-marking process sa impeachment case laban kay Vice President Sara Duterte bago ang nakatakdang pagsisimula ng trial sa July 6.
Ibinigay ni Ridon ang assurance nitong Miyerkules, sa ikaapat na araw ng pre-trial proceedings sa Senate impeachment court, habang patuloy na sinusuri at minamarkahan ng prosecutors, defense lawyers, at court personnel ang documentary evidence na maaaring iharap sa trial.
Ayon kay Ridon, bumilis ang proseso nitong Miyerkules matapos dagdagan ng Senate officials ang marking stations, na nagbigay-daan para mas mabilis na maiproseso ng magkabilang panig ang mga dokumento.
“We had made progress today because of the additional marking stations,” sabi ni Ridon sa reporters.
“All parties—so, defense, prosecution, and the clerk of court—naging mas efficient po yung pag-mark po ng mga ebidensya ngayong araw po na ito.”
Patuloy na nakikipagtulungan ang House prosecution panel sa defense at Senate impeachment court para marebyu at mamarkahan ang libo-libong pahina ng documentary evidence bago ang trial.
Pinalawak ng Senate officials ang marking teams mula apat hanggang anim, at pinalawig ang working hours mula 9 a.m. hanggang 7 p.m. para mapabilis ang proseso.
Bagama’t umaasang matatapos ang marking of evidence sa Huwebes, sinabi ni Ridon na agad nilang ipaaalam sa Senate impeachment court kung kailangan pa ng dagdag na oras.
“Hopefully, we would not need an additional day. But in the event that we might need an additional day, babanggitin naman ho namin ‘yan in the soonest time tomorrow sa Senate impeachment court through the clerk of court,” sabi niya.
Kasalukuyang isinasagawa ng Senado, na nakaupo bilang impeachment court, ang pre-trial proceedings bago ang pormal na pagbubukas ng impeachment trial sa July 6. /Bistado