Pinalalakas ng Pilipinas at Poland ang ugnayan sa defense, kalakalan, agrikultura, teknolohiya at legal cooperation kasunod ng bilateral meeting nina President Ferdinand Marcos Jr. at Polish President Karol Nawrocki sa Malacañang.
Kauna-unahan itong pagbisita sa Pilipinas ng isang Polish president.
“During our bilateral meeting this afternoon, President Nawrocki and I discussed our country’s ongoing and prospective cooperation in areas such as defense and security, trade, industry, agriculture, science and technology, ICT, energy, legal cooperation, and people-to-people connections,” ani Marcos.
Sinabi naman ni Nawrocki na nais ng Poland na iangat sa strategic partnership ang relasyon ng dalawang bansa.
“Today, we want and we are opening a new chapter in these relations. Poland is very interested in raising our relationship to the level of a strategic partnership,” ani Nawrocki.
Sa trade at investment, target ng dalawang bansa na palawakin ang private-sector participation at business opportunities.
Palalalimin din ang agricultural cooperation sa market access, food security, technology, research at education.
Sa digital sector, tinatapos na ang memorandum of understanding sa information and communications technology cooperation, kabilang ang cybersecurity, e-governance at digital connectivity.
Kasama rin sa pagpapalawak ng partnership ang science and technology, kabilang ang space cooperation sa pagitan ng Philippine Space Agency at Polish Space Agency.
Sa legal cooperation, nilagdaan ang Agreement on Mutual Legal Assistance in Criminal Matters. Handa na rin ang dalawang bansa na simulan ang negosasyon para sa extradition agreement.
Napag-usapan din ang South China Sea, giyera sa Ukraine at security developments sa Europe, kasabay ng panawagan para sa rule of law at mapayapang pagresolba sa mga sigalot.
Tinatayang 25,000 Filipino ang nasa Poland, habang nasa 21,000 Polish tourists ang bumisita sa Pilipinas noong nakaraang taon.
“The Philippines also looks forward to building on the momentum of this visit and exploring even more ways to enhance our cooperation with Poland in the years ahead,” ani Marcos. /Bistado