DAVAO CITY – Mas mataas na minimum wage na ang matatanggap ng private sector workers sa Davao Region matapos magkabisa noong September 1 ang second tranche ng wage increase sa ilalim ng Wage Order No. RB XI-24.
Para sa agriculture sector, tumaas ng P10 ang daily minimum wage mula P515 tungong P525.
Mas malaki naman ang dagdag sa non-agriculture sector na P15 kada araw, mula P525 tungong P540.
Inilabas ang wage adjustment matapos ang serye ng consultations ng Regional Tripartite Wages and Productivity Board XI (RTWPB XI), kabilang ang public hearing noong February 2026.
Pinaalalahanan naman ni Labor Secretary Francis Tolentino ang employers na mahigpit na sundin ang umiiral na labor standards at tamang minimum wage rates.
Bilang bahagi ng regular inspections ng Department of Labor and Employment (DOLE), iche-check din ng labor inspectors kung sumusunod ang establishments sa Wage Order No. RB XI-24.
Nilinaw naman ng DOLE na hindi sakop ng minimum wage law ang Barangay Micro Business Enterprises (BMBEs) na may valid Certificate of Authority mula sa Department of Trade and Industry (DTI). Nakasaad ang exemption sa Republic Act No. 9178 o Barangay Micro Business Enterprises Act of 2002. /Bistado