Niyanig ng magnitude 5.5 na lindol ang bahagi ng Surigao del Sur nitong Lunes ng madaling-araw, ayon sa Philippine Institute of Volcanology and Seismology (Phivolcs).
Naitala ang tectonic quake bandang 12:48 a.m., 24 kilometers northeast ng Bayabas, Surigao del Sur. May lalim itong 20 kilometers.
Naramdaman ang Intensity IV sa Bayabas at Tandag City sa Surigao del Sur, at sa Claver, Surigao del Norte.
Intensity III naman ang naitala sa Cagwait at Lingig, Surigao del Sur.
Naramdaman ang Intensity II sa Bislig City, Surigao del Sur, at sa Nabunturan, Compostela, Montevista, at Monkayo sa Davao de Oro.
Sa instrumental intensities, naitala ang Intensity III sa Hinundayan, Southern Leyte.
Intensity II naman ang naitala sa San Francisco at Sogod, Southern Leyte; Baybay City, Abuyog, at Hilongos, Leyte; Nabunturan, Davao de Oro; at Gingoog City, Misamis Oriental.
Intensity I ang naitala sa San Fernando, Bukidnon at Dulag, Leyte.
Ayon sa Phivolcs, ang reported intensity ay batay sa ulat ng mga taong nakaramdam ng lindol, habang ang instrumental intensity ay sinusukat gamit ang intensity meter na nagtatala ng ground acceleration.
Sinabi ng Phivolcs na posible ang aftershocks, pero hindi inaasahan ang pinsala mula sa lindol. /Bistado