Walang iniangat ang presyo ng shares ng Mynt Inc., parent company ng GCash, sa unang araw nito sa Philippine Stock Exchange (PSE) nitong Martes, October 20, sa kabila ng record P60.9 bilyong initial public offering (IPO).
Nagsara sa P6.60 kada share ang Mynt, kapareho ng IPO price nito, matapos pansamantalang umakyat sa P6.76.
Nalampasan ng P60.9 bilyong offering, kabilang ang overallotment option, ang dating IPO record na P52.2 bilyon ng Monde Nissin noong 2021.
Sa listing price, umabot sa humigit-kumulang P441.5 bilyon ang market valuation ng Mynt, dahilan para mapabilang ito sa pinakamalalaking kumpanyang nakalista sa PSE.
Dumalo si President Ferdinand Marcos Jr. sa listing ceremony sa PSE Tower sa Bonifacio Global City, Taguig.
Ayon kay PSE President at Chief Executive Officer Ramon Monzon, ipinakita ng laki ng IPO ang tiwala ng mga investor sa Mynt at sa Philippine capital market.
Kabilang sa mga international investor ang BlackRock, Citadel at Fidelity International.
Mahigit 140,000 GCash users din ang lumahok sa offering sa pamamagitan ng app, na may pinagsamang investment na halos P1.1 bilyon.
Ayon kay Mynt President at CEO Martha Sazon, gagamitin ang pondong nalikom mula sa primary shares para palawakin ang digital financial services at bumuo ng mga bagong produkto.
May 41.5 milyong monthly active users ang GCash hanggang June 2026, habang umabot sa P9.84 trilyon ang payment transactions nito sa unang kalahati ng taon.
Sa kabila ng malaking interes sa IPO, hindi ito nagresulta sa pagtaas ng closing share price sa unang araw ng kalakalan. /Bistado