Sa unang pagkakataon ay na-feel daw talaga ni heartthrob Enrique Gil na isa na siyang seryoso at magaling na aktor.
Nang ilabas ng Manunuri ng Pelikulang Pilipino o Gawad URIAN ang listahan nila ng mga nominado sa papalapit nilang awarding ceremonies ngayong taon, isa si Enrique sa mga nominado para sa Best Supporting Actor category.
Nominado ang aktor para sa kanyang mahusay na pagkakaganap bilang isang tapat na pulis noong 60’s-70’s sa period drama na Manila’s Finest.
Naging entry ito sa 2025 Metro Manila Film Festival sa direksyon ni Raymond Red at pinagbidahan din nina Piolo Pascual, Romnick Sarmenta, Joey Marquez, at Rico Blanco na kapwa niya nominado bilang Best Supporting Actor sa URIAN.
“Wow, this indeed is an incredible feeling. Urian, wow. I’m overwhelmed and thankful,” saad ni Enrique.
Sa showbiz ay itinuturing na “ultimate” recognition ng isang artista ang mapansin ng critic’s group na nasa ika-49 taon na nilang existence bilang highly revered award-giving body sa bansa.
Makakatunggali ni Enrique sa nasabing kategorya bukod kay Rico Blanco sina
Will Ashley for Bar Boys: After School, Amado Babon for Magellan at Joshua Garcia for Meet, Greet, Bye.
Kasalukuyan pa ring napapanood si Enrique sa TV series na A Secret in Prague kasama si Andrea Brillantes sa TV5 at iba pang platform nito kasama na ang ABS-CBN tuwing gabi ng ika-9:30-10:20.