Nagsimula ng gumiling ang mga camera para sa pelikulang pagsasamahan ng tatlo sa pinaka-maiinit na batang artistang lalaki sa ngayon.
Sa pangunguna ni Elijah Canlas na tumatayong “beterano at award-winning actor” sa tropa, inaasahan ng Regal Entertainment na mag-si-set ng bagong trend ang “One For The Road.” “We’ve had barkada movies in the 80’s and 90’s until the 2000’s that set trends and are now iconic movies (e.g. Bagets, Pare Ko, GMik), kaya naisipan naming gumawa uli sa time naman ngayon. Ang malaking difference siguro ay yung mas malalim na tema sa istorya dahil hindi lang basta barkada movie na tungkol sa coming out period nila, dahil it will also tackle and talk about mental health that is now a thing with the advent of social media at kung paano nitong naapektuhan ang bawat family, friends, etc, ” paliwanag ng Regal Entertainment big boss Ms. Roselle Monteverde.
The film will be directed and written by Kip Oebanda, whose previous works include “Bar Boys,” “Liway” and “Balota,”mga award-winning movies na may mga relevant stories at very relatable performers.
Makakasama ni Elijah sina JM Ibarra at Emilio Daez, plus another male actor na hindi na nire-reveal ang name pero magkakaroon ng napakahalagang role sa movie.
Sa “One for the Road,” ay makakatulong ni Oebanda sa pagsusulat ng kuwento si Victor Villanueva, nakilala naman sa award-winning comedy-drama na “Patay na si Hesus.”
Kapwa produkto ng PBB sina Daez at Ibarra na nakitaan din ng mga pamosong direktor gaya nina Joel Lamangan at Jose Javier Reyes ng potensyal para maging kagaya din ni Canlas na mahusay na aktor sa henerasyong ito.
Batay sa press release ng Regal, ngayong taon din ito nakatakdang ipalabas. May balita pa ngang baka ma-isumite ito bilang entry sa darating na 2026 MMFF ngayon December.
Title: One for the Road
Studio: Regal Entertainment Inc.
Director: Kip Oebanda
Writers: Kip Oebanda and Victor Villanueva
Cast and Roles
Elijah Canlas as Ariel
Emilio Daez as Luke
JM Ibarra as Garry
Note: The film centers on four friends, meaning a fourth cast member for a character named Jomar is yet to be announced