Panalo ang Pinay na si Alexandra Eala sa first round ng Italian Open matapos sibakin si Magdalena Frech ng Poland, 6-0, 3-6, 6-4, sa Foro Italico complex sa Rome nitong Miyerkules.
Bumangon mula sa 1-3 sa third round ang 20-taong gulang na si Eala upang makuha ang second round spot kalaban si world No. 33 Wang Xinyu ng China.
Nakatakda ang Eala-Xinyu match sa Biyernes ng hapon, oras sa Pilipinas.
“I think I’ve come a long way from last year. It really means a lot because I think my team and I have really been working the past few weeks,” ani Eala.
“I’m really proud of myself because there were so many moments, especially in the third set, where she (Frech) could’ve gone really far.”
Sa doubles, makakatambal ni Eala si Hailey Baptiste ng Amerika.
Ngayon pa lamang, nananabik na ang tennis fans sa posibilidad na makaharap ni world No. 42 Eala sa unang pagkakataon si No. 2 Elena Rybakina ng Kazakhstan sa ikatlong round.
Ngunit kailangan munang malusutan ni Rybakina si world No. 47 Maria Sakkari ng Greece sa second round.
Tinalo ni Sakkari si Lilli Tagger ng Austria, 5-7, 6-3, 6-0, sa opening round.
Si Rybakina ang unang Kazakh na nakakuha ng Grand Slam matapos magwagi sa Wimbledon sa London noong 2022.
Sa panimula ng taon, idinagdag niya ang Australian Open sa kanyang koleksyon.
Samantala, umabot na sa 17 ang mga umatras sa Italian Open dahil sa problema sa kalusugan. Ang huli ay si Emma Raducanu ng Great Britain.
Nag-withdraw sina world No. 2 Carlos Alcaraz ng Spain, Taylor Fritz ng US, Jack Draper ng Great Britain, Marketa Vondrousova ng Czech Republic noong Lunes.
Sumunod nitong Martes si world No. 15 at Madrid Open champion Marta Kostyuk ng Ukraine dahil sa injury sa balakang.