Buong suporta ang ibibigay ng Department of Information and Communications Technology (DICT) sa imbestigasyon ng Office of the Ombudsman sa umano’y mga iregularidad sa government-funded information technology at connectivity projects.
Sa pahayag nitong Sabado, September 19, sinabi ng DICT na seryoso nitong tinatrato ang mga ulat tungkol sa tinaguriang “ghost internet” projects at pormal itong susulat sa Ombudsman upang ipahayag ang buong kooperasyon.
Handa rin ang departamento na isumite ang kinakailangang records at technical information at magbigay ng assistance para sa masinsin at impartial na imbestigasyon.
Binigyang-diin ng DICT na dapat aktuwal na maihatid ng bawat ICT project na pinondohan ng pera ng bayan ang ipinangakong serbisyo at benepisyo sa mga Pilipino.
“Any allegation involving non-performing systems, misrepresented project deliverables, or the misuse of public funds must be thoroughly examined and addressed in accordance with the law,” pahayag ng DICT.
Tiniyak din ng ahensya ang commitment nito sa transparency at accountability sa government digitalization at connectivity programs.
Patuloy umanong makikipagtulungan ang DICT sa mga kinauukulang awtoridad upang matiyak na protektado at ginagamit sa tamang layunin ang public funds. /Bistado