Mas maraming small entrepreneur ang maaaring magkaroon ng access sa financing sa sandaling maipatupad ang bagong credit registry para sa micro, small and medium enterprises (MSMEs).
Lumagda ang Department of Trade and Industry (DTI) at private credit bureau na Advance.CBP sa isang memorandum of agreement (MOA) para maitayo ang registry ng mga negosyong nakarehistro sa DTI Negosyo Centers.
Ayon kay Advance.CBP country manager Michelle Ann Chan, pinapayagan ng kasunduan ang kompanya na makuha sa pamamagitan ng Negosyo Centers ang impormasyon ng mga entrepreneur na kailangan sa pagbuo ng registry.
“Advance.CBP already has the technology, framework and implementation plan in place to begin the program, which is designed to be simple and accessible for MSMEs,” ani Chan.
Sa unang phase, maglulunsad ng secure digital platform kung saan ilalagay ng Negosyo Center personnel ang mga detalye ng small businesses.
Isasama naman ng system ang impormasyon mula sa Credit Information Corporation (CIC) at alternative data upang makabuo ng predictive credit scores.
Sa pamamagitan nito, magiging mas visible at mas madaling ma-assess ng mga bangko at iba pang credit provider ang mga MSME na humihingi ng financing.
“Our goal is to help bridge the information gap that prevents many otherwise viable MSMEs from accessing affordable financing. By making MSMEs more visible, verifiable and credit-assessable, we aim to support the broader national agenda of empowering entrepreneurs, expanding economic opportunities and accelerating inclusive growth across the Philippines,” ani Chan.
Sakop ng MSMEs ang 99.6 porsiyento ng mga negosyo sa Pilipinas at nagbibigay ng trabaho sa mahigit 60 porsiyento ng mga manggagawa.
Gayunman, nasa 40 porsiyento lamang ang kontribusyon ng sektor sa taunang economic output ng bansa. Dahil dito, isinusulong ng pamahalaan ang mga hakbang upang mapalawak ng small businesses ang kanilang operasyon at ambag sa gross domestic product.
“Success will be measured not only by the number of businesses onboarded, but by the quality, completeness and usability of the information that can help MSMEs become more visible to lenders and other ecosystem participants,” ani Chan.
Hindi lamang dami ng negosyong maisasama ang magiging sukatan ng programa. Mahalaga rin ang kalidad at pagiging kapaki-pakinabang ng impormasyon upang matulungan ang lenders sa pag-assess ng creditworthiness ng mga MSME.
“Given the Philippines’ millions of MSMEs and DTI’s nationwide reach, we see significant long-term potential for the registry to become an important piece of the country’s financial inclusion and enterprise development infrastructure,” dagdag niya. /Bistado