Nagwagi ang tubong Cebu na si Althea Bacaro ng dalawang gintong medalya sa Youth women’s 45kg division ng 2026 Asian Youth and Junior Championships sa Tashkent, Uzbekistan nitong Sabado.
Ang 15-anyos na si Bacaro, Grade 9 student sa University of Cebu (UC), ay nagtapos sa ikaapat na puwesto sa snatch (63kg) ngunit nanguna sa clean and jerk (83kg) upang maghari sa event na may kabuuang 146kg.
Nagpakitang-gilas din si Jay-R Colonia ng Zamboanga City sa Youth men’s 55kg category matapos sumungkit ng bronze sa snatch (108kg), silver sa clean and jerk (135kg), at silver sa total (243kg).
“As a coach, I am proud and happy about Althea’s victory because all the hard work and sacrifices we put into training have finally paid off. I am proud of her because this is the first time she has won the overall championship gold medal,” pahayag ni national coach Christopher Bureros.
Hindi kasama si Bureros sa Tashkent dahil sinasanay nya ang Olympian na si Elreen Ando para sa Asian Games na gaganapin sa Aichi-Nagoya, Japan sa Sept. 19 hanggang Oct. 4.
Nagpahatid muli ng pagbati ang UC weightlifting team.
“Congratulations, Althea, coach Christopher Bureros and coach Ramon Solis, on this remarkable achievement. Your UC Weightlifting family celebrates your success and wishes you continued victories as you proudly represent the University of Cebu and the Philippines on the international stage,” pahayag ng UC sa Facebook.
Pinuri ng koponan sina Bureros at Solis sa patuloy nilang paghubog sa world-class Filipino weightlifters.
“Your leadership and hard work continue to inspire excellence and bring pride to the University of Cebu and the Philippines,” ani UC.
Noong Hulyo, nakuha ni Bacaro ang silver sa clean and jerk (80kg) at bronze sa total (140kg) sa World Youth Championships sa Cali, Colombia.
Nakakuha rin siya ng silver sa total at bronze sa clean and jerk sa Youth women’s 40kg category sa 2025 IWF Youth and Junior World Championships sa Lima, Peru.
Ang Youth category ay para sa mga atletang edad 13 hanggang 17, habang ang Junior naman ay para sa mga kalahok na may edad 15 hanggang 20.