Iginiit ng kampo ni Leyte Rep. Ferdinand Martin Romualdez na ang pag-aresto kay Peanut Gallery Media Network (PGMN) founder Franco Mabanta ay hindi pag-atake sa press freedom, kundi usapin ng umano’y extortion.
Sa pahayag nitong Huwebes, sinabi ni Atty. Elaine A. Atienza, spokesperson ni Romualdez, na hindi dapat ilihis ang kaso bilang isyu ng malayang pamamahayag o karapatang pumuna sa gobyerno.
“PGMN is twisting the narrative,” ani Atienza.
“Ang isyu dito ay hindi tungkol sa malayang pamamahayag. Lalong hindi ito tungkol sa karapatan ng sinuman na punahin ang gobyerno. Ang tunay na tanong: may humingi ba ng pera kapalit ng katahimikan?” dagdag niya.
Ayon kay Atienza, ginawa lamang ni Romualdez ang dapat gawin ng sinumang malalagay sa kaparehong sitwasyon matapos umano siyang maharap sa extortion attempt.
“Rep. Ferdinand Marti Romualdez simply did what any person exposed to the same circumstance would do — he reported the matter to the proper authorities, and the NBI acted on that report pursuant to its mandate under the law,” sabi niya.
Tinanggihan din ni Atienza ang argumento tungkol sa anumang materials o exposés na sinasabing hawak ng PGMN laban sa public officials. Aniya, hindi nito binubura ang criminal allegations na iniimbestigahan ngayon.
“Whatever materials or exposés they claim to possess are irrelevant to the criminal allegations of extortion now under investigation,” ani Atienza.
“If anyone believes he has evidence of wrongdoing by public officials, the proper course is simple: release it, submit it to the authorities, and let the proper institutions act on it — not use it as leverage in exchange for money,” dagdag niya.
Ayon pa kay Atienza, may video umanong inihanda ang PGMN ilang linggo na ang nakalipas, ngunit hindi ito inilabas.
“That is what PGMN did: they purportedly produced a video that was allegedly ready to run several weeks ago and yet chose not to release it. That is NOT journalism, that is extortion,” ani Atienza.
Giit niya, ang kaso ay dapat pagpasyahan batay sa facts, evidence, at rule of law, hindi sa palitan ng narratives online.
“Ultimately, this case will be decided by facts, evidence, and the rule of law — not by competing narratives on social media,” sabi ni Atienza.
Nagbabala rin siya na nakakasira sa legitimate journalism at public trust sa genuine media institutions ang ganitong kilos.
“Such conduct undermines legitimate journalism and damages public trust in genuine media institutions,” ani Atienza.
“Simple lang po ito: Sa demokrasya, malayang pumuna. Pero malinaw po sa ating batas: Isang krimen ang pangingikil,” dagdag niya. /Bistado