PASAY CITY – Arestado ang isang 55-anyos na businessman matapos ireklamo sa umano’y fraudulent transaction na kinasasangkutan ng luxury wristwatch na nagkakahalaga ng P600,000.
Ayon sa Philippine National Police (PNP), isinagawa ng National Capital Region Police Office (NCRPO) ang operasyon sa loob ng isang casino complex sa Pasay City madaling-araw ng July 9.
Batay sa initial investigation, inalok umano ng suspek ang relo sa isang businesswoman bilang investment opportunity.
Pinaniwala umano ang biktima na authentic high-end timepiece ang relo at maaari itong maibenta muli sa mas mataas na halaga.
Pero kinuwestiyon ang transaksyon matapos isailalim sa authentication ang item at lumabas na umano’y counterfeit ito.
Kinuha ng responding police personnel mula sa Southern Police District ang custody ng suspek at ng umano’y pekeng relo.
Isasailalim naman ang item sa proper documentation at processing bilang ebidensya sa kaso.
Nahaharap ang suspek sa complaint dahil sa umano’y paglabag sa Article 315 ng Revised Penal Code o Estafa through False Pretenses or Fraudulent Representation.
Inihahanda na ang kaso para sa kaukulang legal proceedings sa Pasay City Prosecutor’s Office. /Bistado