Walang paglagyan ng kasiyahan si Kapuso actress Bianca Umali dahil isa nga daw sa kanyang wish list o bucket list ang natupad.
Ito nga ang mapasama sa isang movie na dinirek ng box-office director na si Cathy Garcia-Sampana.
“Grabe, I grew up watching her films. Lahat ng movies na siya ang direktor, napanood ko lahat at and when I became an actress, I truly made a vow or dream that someday I wish to work with her. Eto na yun,” kuwento ng napakagandang morena actress.
Sa upcoming movie ng balik-tambalan nina Joshua Garcia at Julia Barretto na “Always Yours, Never Mine,” natupad nga ang dream ni Bianca na mai-direk ni direk Cathy, maka-eksena pa ang JoshLia, at higit din niya itong makilala bilang mga co-actors at kaibigan.
“I really became a fan. Hindi naman maiiwasan siyempre dahil both of them are good actors and very good looking people pa. But off cam, they both are kind and accommodating. Walang dull moment at hindi sila yung mga feeling dahil sikat sila or what,” bahagi ni Bianca.
Hindi masyadong nagbigay ng detalye si Bianca sa kanyang ginampanang role sa movie dahil aniya, “you will simple love the kind of love Geia (name niya sa movie) gives. Yun muna ang puwede kong i -share.”
Samantala, ito na ang ika-pitong movie team up nina Joshua at Julia at muling masusubukan sa takilya ang lakas ng magic nila bilang tandem.
Simula nang magsama sila noong 2016 sa “Vince and Kath and James,”na-establish na nga sila bilang mga box-office attractions kaya’t naging big hit din ang mag sumunod nilang projects like “Love You to the Stars and Back”, “Unexpectedly Yours,” ” I Love You, Hater”, “Block Z” and “Un/Happy for You.”
Nang tanungin si Bianca kung pressured ba siya na siya naman ngayon ang third wheel sa tandem ng JoshLia, sagot nito, “in any movie such as this lagi namang may role for one di ba? I am simply lucky that my dream becomes a reality and I wish that people would see my role as not just as their third wheel or whatever you call it, but something na will connect and reconnect to audience’s hearts.”
“Always Yours Never Mine,” will hit cinemas on September 30.