BAGUIO CITY – Agad na nagsagawa ng joint inspection sa Baguio Public Market ang Bureau of Fisheries and Aquatic Resources-Cordillera (BFAR-CAR) at Baguio City government matapos mag-report ang isang consumer ng umano’y poisonous crab na nabili sa fish section ng palengke.
Pinangunahan ni BFAR-CAR OIC Regional Director Nazario C. Briguera ang inspection nitong Lunes, August 24, kasama ang City Veterinary and Agriculture Office (CVAO), City Treasury Office-Market Division, at Mayor’s Office Public Safety and Order Division.
Layunin ng inspection na i-verify ang report, tiyakin ang food safety, at protektahan ang consumers laban sa potentially unsafe seafood products.
Nagsimula ang kaso noong August 22 nang sabihin ni Raiza Marie Ricohermoso na bumili ang kanyang asawa ng mga alimango sa Baguio Public Market at napansin nila ang isang kakaibang specimen na umano’y nahalo sa edible talangka.
Ayon sa CVAO, nasa tatlo hanggang apat na pulgada ang haba ng crab, brownish-red, at may markings na kapansin-pansing iba sa mas maliliit na alimangong kasama nito.
Sinabi ni Ricohermoso na naluto na ang mga crab nang mapansin niya ang kakaibang specimen. Matapos ang online search, naghinala siyang maaaring ito ay Atergatis integerrimus, isang xanthid crab species na inuugnay sa marine toxins.
Dahil sa pag-aalala, hindi na niya kinain ang mga crab at itinapon ang mga ito.
Nakipagkita ang CVAO kay Ricohermoso noong August 24 para kumuha ng first-hand information at subukang makuha ang specimen para sa proper identification at analysis. Pero wala na ang crab dahil naitapon na.
“BFAR-CAR and CVAO cannot confirm the identity of the crab reported by the buyer or determine whether it was poisonous because the actual specimen is no longer available for proper examination,” ayon sa CVAO.
Binigyang-diin ng tanggapan na hindi sapat ang photographs lamang para matukoy ang species ng crab o malaman kung poisonous ito. Kailangan ang proper species identification at laboratory analysis bago matiyak kung ligtas itong kainin.
Sa inspection, sinuri ng task force ang fish section para sa posibleng poisonous crab species at namahagi ng information materials tungkol sa poisonous fish at crabs sa vendors at consumers.
Ayon sa CVAO, walang nakitang suspected poisonous crabs sa market inspection.
Pero nilinaw ng tanggapan na hindi nito napapatunayan kung poisonous o hindi ang crab na nabili ni Ricohermoso dalawang araw bago ang inspection dahil wala na ang mismong specimen.
Sinabi rin ng CVAO na araw-araw nitong mino-monitor ang seafood na ibinebenta sa fish section ng market.
Pinayuhan ang consumers na agad mag-report sa CVAO o BFAR-CAR kapag may nakitang unfamiliar seafood at, kung maaari, huwag itapon ang specimen para ma-examine ng experts.
Nagbabala rin ang CVAO laban sa pag-asa lamang sa photographs, online searches, artificial intelligence, o social media posts para matukoy kung poisonous ang isang marine species.
“CVAO appreciates the vigilance of the consumer who reported this incident,” ayon sa tanggapan.
Ayon pa sa CVAO, mahalaga ang ganitong reports para mabilis na matukoy at matugunan ang posibleng food safety risks at maprotektahan ang public health. /Bistado