Aminado si Alden Richards na naibsan ang kanyang agam-agam sa kung paano tatanggapin ng madla ang latest TV series nilang ‘Love, Siargao,” kasama si Nadine Lustre.
“Kahit paano nabawasan ang kaba at nerbyos dahil sa magandang feedback sa trailer,” sey ng guwapong aktor.
Ang “Love, Siargao,” ang unang project na ginawa nina Alden at Nadine under GMA Network at Viva TV na magsisimula ng mapanood sa VIU ngayong June 26.
Isa itong 26-series na kinunan sa sikat na Siargao province at role ng mga taga naturang isla ang ginagampanan nina Alden at Nadine kaya’t asahan na daw nating mapanood sa dalawa hindi lang husay nila sa pag-arte kundi maging ang hinahangaang sexy bodies nila.
“We are very much happy with the feedback of the netizens, and then, ‘yung mga nakanood ng trailer, maraming salamat po. We’re very excited. Just proud about it,” hirit pa ni Alden.
Ipinalabas ang trailer ng Love, Siargao noong June 12 at agad itong umani ng papuri dahil sa nag-uumapaw na chemistry nina Alden at Nadine.
Ang iba pang mga bumibida sa series na nakatrabaho nina Alden at Nadine ay kinabibilangan ng international Korean actor na si Choi Bo-min at sina Coleen Garcia, Kim Ji-soo, Kyline Alcantara, Gab Lagman, Kakki Teodoro, Adrian Lindayag, AZ Martinez, Vince Maristela, at Christopher Diwata
Samantala, bibida rin si Alden sa upcoming GMA medical drama series na “Code Grey,” kasama naman sina Christopher de Leon, Romnick Sarmenta, Andrea Torres, Faith Da Silva, Allen Ansay, Shuvee Etrata, Joross Gamboa, Christian Bautista, Kristoffer Martin, at Jon Lucas.