Magbabawas ng humigit-kumulang 200 empleyado ang ABS-CBN Corporation, katumbas ng pitong porsiyento ng workforce nito, habang patuloy na hinaharap ng media company ang mahinang advertising at consumer spending sa gitna ng mahirap na taon para sa content industry.
Inanunsyo ng ABS-CBN nitong Martes, September 15, ang retrenchment program matapos ang pagsusuri sa kalagayang pinansyal ng kumpanya.
“After careful review, we have made the difficult decision to implement a retrenchment program to keep ABS-CBN on strong financial footing. The program will cover around 200 people or 7% of the company’s workforce,” pahayag ng ABS-CBN.
“We know this will deeply affect our employees and their families, and we intend to manage this the way we have always done—with compassion for our Kapamilya.”
Dumating ang job cuts habang patuloy na nire-rebuild ng ABS-CBN ang negosyo nito bilang content company. Sinabi nitong lumalawak ang audience ng shows, films, music at events nito sa iba’t ibang platforms sa Pilipinas at abroad.
“ABS-CBN continues to grow its content business, with its shows, films, music, and events reaching more people across platforms in the Philippines and around the world. We are in the process of re-building and re-creating ABS-CBN towards a new future as a global storytelling company,” ayon sa kumpanya.
May pumapasok ding bagong kapital sa ABS-CBN. Nauna nang inanunsyo ang P6-bilyong capital infusion mula sa mga investor, kabilang ang I&C Holdings Corp. at Lopez family investment companies, upang suportahan ang financial recovery ng kumpanya.
“The new investments are a vote of confidence in the future of the company and will help ABS in our journey towards recovery and new successes,” pahayag nito.
Gayunman, sinabi ng ABS-CBN na tinamaan ang recovery efforts nito ng Middle East conflict, mataas na inflation at mahinang economic growth na nagresulta sa weaker advertising at consumer spending.
“These events have affected our recovery efforts and we expect these challenges to continue,” ayon sa kumpanya.
Sa unang hati ng 2026, nanatiling lugi ang ABS-CBN habang nagpapatuloy ang transition nito mula sa traditional broadcasting patungo sa content production at distribution. Ang bagong investments ay nakalaan para suportahan ang working capital at iba pang corporate requirements habang isinasagawa ang recapitalization.
Sa kabila ng retrenchment, sinabi ng ABS-CBN na ipagpapatuloy nito ang rebuilding at pagpapalawak ng content business.
“We are truly grateful to all our Kapamilyas for their dedication, passion, and service to the company and the Filipino people,” pagtatapos ng ABS-CBN. /Bistado