Ipinatawag ng Senate impeachment court si Davao City Mayor Sebastian “Baste” Duterte at apat na iba pa habang lumilipat ang prosekusyon sa government at corporate records na may kaugnayan sa Article II o alleged unexplained wealth ni Vice President Sara Duterte.
Iniutos ni Presiding Officer Francis “Chiz” Escudero nitong Miyerkules, September 16, ang paglalabas ng subpoenas para kina Civil Service Commission (CSC) Assistant Commissioner Atty. Ariel Ronquillo, Philippine Government Electronic Procurement System (PhilGEPS) Division Chief Rendell Sopeña, Duterte, Atty. Gary Samonte at Police Maj. Jerrickson Sangalang.
May nauna nang subpoena para kay Securities and Exchange Commission (SEC) official Atty. Gerardo del Rosario, kaya anim ang kabuuang indibidwal na sakop ng latest witness request ng prosecution.
“We will be presenting first Attorney Ariel G. Ronquillo of the Civil Service Commission, followed by Attorney Gerardo F. del Rosario of the Securities and Exchange Commission, and finally, Your Honor, Mr. Rendell P. Sopeña of the Philippine Government Electronic Procurement System Office of the DBM,” ani House lead prosecutor Rep. Gerville Luistro.
Tatalakayin ni Ronquillo ang preparation, filing at guidelines sa Statements of Assets, Liabilities and Net Worth (SALNs), kabilang ang kanyang papel sa pagbuo at interpretation ng mga kaugnay na patakaran.
Si Sopeña naman ay ipinatawag kaugnay ng government procurement transactions ng mga entity kung saan nagdeklara ng interest si VP Sara. Kabilang sa ipinapadalang records ang contracts sa pagitan ng Gencorp Industries Inc. at government agencies mula 2020 hanggang kasalukuyan.
Partikular namang sakop ng subpoena kay Mayor Duterte ang transactions ng Davao City government sa Gencorp Industries, kumpanyang nakalista sa declared business interests ng Bise Presidente.
Inatasan din siyang magdala ng official records at contracts mula 2020 hanggang kasalukuyan sa pagitan ng city government at mga entity na nagmamay-ari o nagpapatakbo ng Jollibee branch o establishment.
Ayon sa mga ulat na binanggit sa proceedings, nakakuha umano ang Gencorp ng humigit-kumulang P14.32 milyong transactions mula sa Davao City government mula 2022 hanggang 2025. Bahagi ito ng tinatayang P15.02 milyong reported government transactions, kabilang ang P696,829 mula sa PhilHealth regional office sa Davao.
Nilinaw ni House trial spokesperson at Lanao del Sur Rep. Zia Alonto Adiong na hindi dahil kapatid siya ng Bise Presidente kaya ipinapatawag si Mayor Duterte.
“He is being called because he may have relevant personal and official knowledge concerning matters that form part of the prosecution’s Article II presentation,” ani Adiong.
“Witness si Mayor Baste, hindi respondent. Hindi namin hinihinging idiin niya ang kanyang kapatid. Ang hinihingi namin ay magsabi siya ng totoo tungkol sa mga bagay na personal niyang nalalaman,” dagdag niya.
Plano ng prosecution na humiling ng appropriate hostile-witness treatment kapag tumestigo si Duterte, subject sa magiging ruling ng impeachment court.
Samantala, kailangang i-adjust ang witness calendar dahil nakatakda sa Miyerkules, September 23, ang oral arguments at pagboto sa motion ni Senator-Judge Erwin Tulfo kaugnay ng disputed 16-vote conviction threshold.
Nakatakda ring humarap sa araw na iyon sina Duterte, Samonte at Sangalang, ngunit sinabi ni Escudero na maaaring bawiin at muling mag-isyu ng subpoenas para sa susunod na linggo o mas huling petsa depende sa takbo ng testimonya ng unang tatlong saksi.
Tiniyak din ni Escudero na bibigyan ng karagdagang panahon ang depensa upang maghanda sa cross-examination dahil sa pagbabago ng prosecution sa pagkakasunod-sunod ng mga saksi. /Bistado