Posibleng hindi maabot ng Philippine economy ang growth target ng gobyerno ngayong taon, ayon sa Makati Business Club (MBC), kasabay ng panawagang pabilisin ang government spending at magsulong ng governance reforms para maibalik ang investor confidence.
Sinabi ni MBC Chairman Edgar Chua na maaaring bumaba sa 3.5 percent hanggang 4.5 percent projection range ng Development Budget Coordination Committee (DBCC) ang economic growth ngayong taon.
Nang tanungin kung posibleng kapusin ang actual performance kumpara sa government expectations, sagot ni Chua: “It could be.”
“We hope that DBCC is correct. We all want—who does not want a higher growth?” dagdag niya.
Pero para kay Chua, hindi lamang short-term growth figures ang dapat pagtuunan. Kailangan aniyang makapagtala ang ekonomiya ng sustained growth na hindi bababa sa 7 percent sa pangmatagalang panahon para makagawa ng malaking progreso laban sa kahirapan at maiangat ang living standards.
Para pasiglahin ang ekonomiya, hinimok ng MBC ang administrasyon na tugunan ang government underspending, partikular sa mahahalagang infrastructure projects, habang pinananatili ang mahigpit na fiscal accountability.
Binigyang-diin din ni Chua ang pangangailangan ng structural governance reforms para mapalakas ang investor confidence at competitiveness.
Kabilang sa itinutulak ng MBC ang Freedom of Information measure, reporma sa bank secrecy laws, at isang tunay na anti-political dynasty framework.
“The chance of this administration is to bring back confidence,” sabi ni Chua.
Para sa MBC, mahalagang sabayan ang transparency reforms ng predictable regulatory implementation upang mapalakas ang kumpiyansa sa ekonomiya at makahikayat ng investments. /Bistado