Sa inilabas na listahan ng Manunuri ng Pelikulang Pilipino o ang Gawad URIAN, halo-halo ang mga pangalan ng mga newbies at mga “beterano” bilang mga nominado sa iba’t-ibang kategorya.
Sa kanilang ika-49 na Gawad Urian nanguna sa listahan ang mga gaya nina Jericho Rosales, Maris Racal, Odette Khan at Dolly de Leon sa acting categories habang ang mga newbie artists gaya nina Krystel Go at Nour Hooshmand ay napasama din.
Tila may pag-isnab naman kina Vice Ganda, Tom Rodriguez at Mylene Dizon at iba pang nabigyan ng acting honors ng ilang award-giving bodies o festivals.
Sa Best Actor category ay kasama ni Jericho (for Quezon) sina Earl Amaba (I’mPerfect), Jomari Angeles (Some Nights I Feel Like Walking), Carlo Aquino (Bar Boys: After School), Elijah Canlas (Raging/Rumaragasa), Julian Paul Larroder (Tigkiliwi), Jojit Lorenzo (Habang Nilalamon ng Hydra ang Kasaysayan), at Miguel Odron (Some Nights I Feel Like Walking).
Nominado naman sa Best Actress category sina Krystel Go (I’mPerfect), Nour Hooshmand (Cinemartyrs), EJ Jallorina (Dreamboi), Odette Khan (Bar Boys: After School), Maris Racal (Sunshine), Rissey Reyes-Robinson (Paglilitis), Ruby Ruiz (Tigkiliwi), at Geraldine Villamil (Republika ng Pipolipinas).
Sa Best Supporting Actor category ay nandiyan naman sina Will Ashley (“Bar Boys: After School”), Amado Babon (“Magellan”), Rico Blanco (“Manila’s Finest”), Joshua Garcia (“Meet, Greet, Bye”), Enrique Gil (“Manila’s Finest”), Iain Glen (“Quezon”), at Nanding Josef (“Habang Nilalamon ng Hydra ang Kasaysayan”).
Nakakuha naman ng Best Supporting Actress nomination sina Dolly de Leon (Habang Nilalamon ng Hydra ang Kasaysayan), Alessandra de Rossi (Republika ng Pipolipinas), Elora Españo (Lakambini: Gregoria de Jesus), Jennica Garcia (Sunshine), Gina Pareño (Lakambini: Gregoria de Jesus), Rochelle Panglinan-Solinap (Child No. 82: Anak ni Boy Kana), at Eula Valdes (Paglilitis).
Sampu ang nominasyon ng Quezon, samantalang tigwalo ang Cinemartyrs at Sunshine. Pito ang nominasyon ng Bar Boys: After School. Tiglima ang Bloom Where You Are Planted at Manila’s Finest. Apat ang nominasyon ng Habang Nilalamon ng Hydra ang Kasaysayan. Tigtatatlo ang Republika ng Pipolipinas, Raging (Rumaragasa), Child No. 92: Anak ni Boy Kana, at Magellan.
Tigdadalawa ng nominasyon ang I’mPerfect, Paglilitis, Tigkiliwi, Some Nights I Feel Like Walking, Lakambini: Gregoria de Jesus, at Salum. Tig-iisa ng nominasyon ang Dreamboi, Meet, Greet & Bye, at Song of the Fireflies.
Best Picture nominees naman ang “Bar Boys: After School,” “Bloom Where You Are Planted,” “Cinemartyrs,” “Quezon,” at “Sunshine.”
Maglalaban-laban naman sa Best Director sina Noni Abao (“Bloom Where You Are Planted”), Sari Dalena (“Cinemartyrs”), Antoinette Jadaone (“Sunshine”), Kip Oebanda (“Bar Boys: After School”), at Jerrold Tarog (“Quezon”).
Habang sa kategoryang Best Screenplay naman magtatagisan sina Sari Dalena and Keith Sicat (“Cinemartyrs”), Renei Dimla (“Republika ng Pipolipinas”), Antoinette Jadaone (“Sunshine”), Kip Oebanda, Zig Dulay, and Carlo Catu (“Bar Boys: After School”), at Jerrold Tarog and Rody Vera (“Quezon”).
Marami naman ang nagulat na tila na-isnab diumano ang ilang mga award-winning actors ng MMFF at Cinemalaya na hindi nabigyan ng acting nomination gaya nina Vice Ganda (Call Me Mother), Mylene Dizon (Habang Nilalamon ng Hydra ang Kasaysayan) at Tom Rodriguez (Unmarry).
Laglag din ang apat na acting winners ng inaugural Cine Silip Film Festival na sina Angela Morena (best actress for Pagdaong), Martin del Rosario (best actor for Haplos sa Hangin), Migs Almendras (best supporting actor for Dreamboi), at Chloe Jenna (best supporting actress for Maria Azama: Best P*rn Actress)