Patuloy na magdadala ng malalakas na ulan ang Southwest Monsoon o Habagat sa Metro Manila at malaking bahagi ng Luzon hanggang Martes, ayon sa Philippine Atmospheric, Geophysical and Astronomical Services Administration (Pagasa).
Sa Weather Advisory No. 27 na inilabas alas-11 ng umaga nitong August 29, inaasahan ang 100 hanggang 200 millimeters na ulan sa Ilocos Sur, Pangasinan, La Union, Benguet, Bataan, Zambales, Tarlac, at Pampanga mula ngayong araw hanggang Linggo ng tanghali, August 30.
Nasa 50 hanggang 100 millimeters naman ang forecast sa Ilocos Norte, Abra, Apayao, Kalinga, Ifugao, Mountain Province, Nueva Vizcaya, Nueva Ecija, Bulacan, Metro Manila, Rizal, Cavite, Laguna, Batangas, Occidental Mindoro, at Oriental Mindoro.
Mula Linggo ng tanghali hanggang Lunes ng tanghali, August 31, posibleng makaranas ng 100 hanggang 200 millimeters na ulan ang Ilocos Norte, Ilocos Sur, La Union, Pangasinan, Abra, Benguet, Zambales, at Bataan.
Aabot naman sa 50 hanggang 100 millimeters ang ulan sa Apayao, Kalinga, Ifugao, Mountain Province, Nueva Vizcaya, Tarlac, Nueva Ecija, Pampanga, Bulacan, Metro Manila, Rizal, Cavite, Batangas, at Occidental Mindoro.
Mula Lunes ng tanghali hanggang Martes ng tanghali, September 1, mananatili ang 100 hanggang 200 millimeters na rainfall outlook sa Ilocos Norte, Ilocos Sur, La Union, Pangasinan, Abra, Benguet, at Zambales.
Nasa 50 hanggang 100 millimeters naman ang forecast sa Batanes, Apayao, Kalinga, Ifugao, Mountain Province, Nueva Vizcaya, Tarlac, Nueva Ecija, Bataan, Pampanga, Bulacan, Metro Manila, at Cavite.
Ayon sa Pagasa, maaaring mas mataas pa ang pag-ulan sa mga mountainous at elevated areas. Maaari ring lumala ang epekto ng ulan sa mga lugar na nakaranas na ng significant antecedent rainfall.
Pinayuhan ang publiko at concerned disaster risk reduction and management offices na gawin ang lahat ng kinakailangang hakbang para protektahan ang buhay at ari-arian. /Bistado