Pinalawak ng Philippine Statistics Authority (PSA) ang Civil Registry System (CRS) Mobile Outlets nito para mas madaling makakuha ng civil registry documents ang mga Pilipino, partikular sa remote at underserved communities.
May onsite printing capabilities ang mobile outlets kaya maaaring mapabilis ang processing at mailabas sa parehong araw ang kinakailangang dokumento nang hindi na kailangang bumiyahe nang malayo.
“We understand that not everyone has the time and resources to travel long distances just to request a civil registry document; that is why we continue to expand our mobile outlets. Every Filipino deserves convenient access to civil registration services that open up educational and employment opportunities, as well as access to healthcare and social benefits,” sabi ni PSA Undersecretary, National Statistician at Civil Registrar General Claire Dennis Mapa.
Kamakailan ay nagbukas ang PSA ng dedicated mobile outlets sa Ifugao at Bataan, kaya umabot na sa 24 ang kabuuang bilang nito sa buong bansa.
Sa unang tatlong araw ng operasyon sa Ifugao, nakapagproseso ang mobile outlet ng 301 client transactions at nakapag-isyu ng 323 civil registry documents sa mga residente sa pamamagitan ng same-day service.
Nagkaroon din ng mas malapit na access sa processing at document issuance ang mga residente ng Bataan.
“Our direction is clear: we want every Filipino, wherever they may be, to have access to PSA services. Guided by the renewed commitment under the recently-extended Civil Registration and Vital Statistics Decade, we will continue expanding our reach so that no community will be left behind,” sabi ni Mapa.
Kasabay ng mobile outlets, pinalalawak din ng PSA ang digital services nito sa pamamagitan ng PSA e-Certificate o e-Cert.
Maaaring humiling ang mga Pilipino sa loob at labas ng bansa ng verifiable digital copies ng kanilang civil registry documents gamit ang official PSA Helpline portal at eGovPH superapp.
Patuloy naman ang regular operations ng 86 CRS outlets ng PSA sa buong bansa. Kailangan munang mag-book ng appointment sa CRS Appointment System bago pumunta sa napiling outlet. /Bistado