Mas pinatamis at pinasarap ng McDonald’s Philippines ang merienda ng Pinoy sa paglulunsad ng tatlong bagong limited-time treats sa ilalim ng McSavers Snack & Match lineup.
Simula July 3, pwede nang matikman ng customers ang Choco Lava Puff, isang flaky pastry na may mainit at chocolate-filled center.
Kasama rin sa bagong lineup ang Poptato, crispy at bite-sized potato pops na inspired ng iconic fries ng McDonald’s, at Taro Custard Pie, na pinagsama ang earthy taro at creamy custard sa signature crunchy pie crust ng brand.
Dumating ang mga bagong offering habang sinasakyan ng McDonald’s ang hilig ng mga Pilipino sa merienda — ang paboritong pahinga sa pagitan ng meals para makipagkuwentuhan, makipag-bonding, o mag-recharge bago bumalik sa susunod na gawain.
“We know how important merienda is in bringing people together. With that in mind, we’re introducing these exciting new Snack & Match offerings,” sabi ni Ada Almendras-Lazaro, chief marketing officer ng McDonald’s Philippines.
Sa ilalim ng McSavers Snack & Match promo, maaaring pumili ang customers ng main snack simula P59.
Kabilang dito ang bagong Choco Lava Puff at Medium Poptato, pati ang paboritong Crispy Chicken Sandwich, Cheesy Burger McDo, McSpaghetti, World Famous Fries, at Iced Coffee Original.
Sa P79, maaaring ipares ang snack sa sides tulad ng bagong Taro Custard Pie, McFloat variants, Plain Sundae, o soft drink.
Available ang bagong merienda lineup sa dine-in counters, kiosks, drive-thrus, at delivery platforms. /Bistado