Sinimulan na ng Department of Information and Communications Technology (DICT) at Korea International Cooperation Agency (KOICA) ang construction ng National Cybersecurity Center (NCSC) ng Pilipinas, na target palakasin ang depensa ng bansa laban sa online threats.
Popondohan ang proyekto ng KOICA grant na nagkakahalaga ng $25.6 million, o humigit-kumulang P1.4 billion, para maitayo ang pangunahing hub ng bansa para sa pag-track ng cyber risks, intelligence sharing, at response sa security incidents.
Saklaw ng proyekto ang primary facility sa Valenzuela City, backup center sa Ilocos Norte, advanced security systems, at training programs para sa local experts.
Ayon kay DICT Secretary Henry Aguda, mahalaga na ngayon ang cybersecurity sa pambansang pag-unlad.
“President Marcos Jr. wants every Filipino connected and able to access digital opportunities—but beyond connectivity, we want them protected,” sabi ni Aguda.
Kinumpirma naman ni KOICA Vice President Lee Yun-Young na ito ang pinakamalaking cybersecurity project ng ahensya sa buong mundo at isa sa pinakamalaking active grants nito sa Pilipinas.
“This shows our confidence in the country’s digital future and our commitment to building strong, secure institutions,” sabi ni Lee.
Hindi lang imprastruktura ang laman ng proyekto. Sasanayin din ang government staff at cybersecurity professionals sa Pilipinas at Korea, habang bubuo ng education curriculum para magpalakas ng pool ng skilled cyber defenders.
Binigyang-diin ni South Korean Ambassador Lee Sang-Hwa na tutulungan ng center ang ligtas na digital growth ng bansa.
“It lets the country move forward with transformation while managing risks effectively,” sabi ni Lee Sang-Hwa.
Ayon naman kay Valenzuela Mayor Wes Gatchalian, ginagawa ng proyekto ang unused public land bilang mahalagang national asset para sa innovation at security.
Kapag fully operational na, target ng NCSC na protektahan ang government networks, businesses, at personal data ng milyun-milyong Pilipino. /Bistado