Totoo bang tao si Mary Grace Piattos? Para kay House prosecutor at Bicol Saro party-list Rep. Terry Ridon, ang sagot sa tanong na iyan ang maaaring maging susi sa confidential funds case laban kay Vice President Sara Duterte.
“Yung existence or non-existence po ni Mary Grace Piattos, ‘yun pong smoking gun kung talaga nga bang tama o mali ‘yun pong paggamit ng confidential funds,” sabi ni Ridon sa reporters.
“Well mahalaga po ‘yung Mary Grace Piattos kasi nasa sentro siya eh nun pong kontrobersiya, nun pong paggamit ng confidential funds no?” dagdag niya.
Natanong si Ridon nitong Huwebes kung totoong tao ba si Piattos, lalo na matapos sabihing wala umanong record ang Philippine Statistics Authority (PSA) sa pangalan nito.
“Well that is something that we all have to see in the next couple of days,” sagot ni Ridon.
Hindi rin muna sinabi ni Ridon kung paano haharapin ng prosecution ang isyu kung walang PSA o civil registry records si Piattos.
“Abangan ho natin on how the prosecution will actually undertake this particular aspect of the proceedings?” sabi niya.
Ayon sa supplied materials, naging key issue ang pangalang Mary Grace Piattos matapos itong lumitaw sa mga dokumentong kaugnay ng questioned liquidations ng confidential funds. Unang umingay ang pangalan nang iprisinta sa House Committee on Good Government and Public Accountability noong 19th Congress ang isa sa libo-libong acknowledgment receipt na isinumite ni Duterte sa Commission on Audit (COA) para patunayan ang paggastos ng confidential funds noong 2022.
Pinagdudahan ang pangalan dahil kapangalan ito ng isang cafe at ng isang brand ng potato crisp.
Kinumpirma rin ni House prosecutor at Manila Rep. Joel Chua na kasama si Piattos sa listahan ng witnesses na isinumite ng prosecution sa pre-trial brief.
Binalikan din ni Ridon ang COA report kaugnay ng confidential funds.
“Going back to the COA report marami po doon ay obviously hindi ho tamang paggamit na confidential funds kaya nga in each ang every year na meron pong confidential funds ang Pangalawang Pangulo may mga pinapasauli na pera sa kaban ng bayan,” sabi ni Ridon.
Bukod kay Piattos, tinukoy din ni Ridon si dating Education at Office of the Vice President (OVP) spokesperson Michael Poa bilang relevant witness dahil sa papel nito sa operasyon ng mga tanggapang dating pinamunuan ni Duterte.
“Well kasama naman ho talaga siya sa very relevant witnesses po on how confidential funds and the entire operations of DepEd and OVP had been undertaken, so we will subject him to take the witness stand,” sabi ni Ridon.
Ayon kay Ridon, magkakaroon ng pagkakataon ang defense na i-cross-examine si Poa kung ihaharap ito sa trial.
“Di ho ba and allowed din naman ho to cross-examine yun pong defense kapag sinalang po siya, and sinabi din naman po niya na for as long as it is within yun pong kanya pong trabaho sa OVP saka sa DepEd, tingin ko wala naman siyang pagtutol sa bagay na iyan at ginagalang namin,” dagdag niya.
Sinabi rin ni Ridon na nananatiling threats article ang unang nais iprisinta ng prosecution panel sa impeachment trial.
“Well, yung una naman ho talaga threats yung unang pino-propose ng prosecution panel na simulan ito pong bagay na ito,” sabi niya.
Ayon kay Ridon, handa ang prosecution na magprisinta ng testigo sa unang araw ng trial.
“Tingin ko handa naman ho kaming magpresente ng witness doon po sa unang araw,” sabi ni Ridon. /Bistado