MAKATI CITY – Arestado ang isang Regional Most Wanted Person na ilang taon nang nagtatago matapos matunton sa joint law enforcement operation sa Makati City noong June 15.
Isinagawa ang operasyon ng National Capital Region Police Office (NCRPO) at Police Regional Office 4A (PRO4A), sa tulong ng intelligence units at local police personnel.
Nauwi ang koordinadong operasyon sa lawful service ng standing warrant of arrest sa Barangay Bangkal.
Batay sa consolidated intelligence at tuloy-tuloy na monitoring, matagumpay na natukoy ng mga operatiba ang kinaroroonan ng suspek at naisagawa ang mapayapang pag-aresto sa mga unang oras ng araw.
Kinumpirma ng mga awtoridad na ang suspek ay subject ng matagal nang warrant of arrest na inilabas ng Regional Trial Court sa Gumaca, Quezon para sa kasong Murder.
Inilabas ang warrant laban sa kanya noong July 4, 2016, at walang inirekomendang piyansa. /Bistado