Bumagal sa 6.8 percent ang headline inflation ng bansa noong May 2026 mula 7.2 percent noong April, ayon sa Philippine Statistics Authority (PSA)
Mas mataas pa rin ito kaysa 1.3 percent noong May 2025. Umabot naman sa 4.5 percent ang average inflation mula January hanggang May 2026.
Ang headline inflation ang kabuuang bilis ng pagtaas ng presyo ng goods at services sa ekonomiya. Sa madaling sabi, ito ang sukatan kung gaano kabigat ang taas-presyo sa mamimili.
Sa datos na inilabas ng PSA ngayong Biyernes, lumalabas na bumagal ang inflation dahil humina ang taas-presyo sa transport. Mula 21.4 percent noong April, bumaba ito sa 16.2 percent noong May.
Nakatulong din ang mas mabagal na pagtaas sa food and non-alcoholic beverages, mula 6.0 percent tungo sa 5.7 percent, at housing, water, electricity, gas and other fuels, mula 8.2 percent tungo sa 7.8 percent.
Pero hindi lahat gumaan. Mas mabilis ang taas-presyo sa alcoholic beverages and tobacco, clothing and footwear, household equipment, health, recreation, restaurants and accommodation services, at personal care and miscellaneous goods and services.
Pinakamalaki pa rin ang ambag ng food and non-alcoholic beverages sa overall inflation, may 32.7 percent share o 2.2 percentage points.
Sumunod ang housing, water, electricity, gas and other fuels na may 24.0 percent share o 1.6 percentage points, at transport na may 21.9 percent share o 1.5 percentage points.
Sa pagkain, bumagal ang food inflation sa 5.8 percent noong May mula 6.1 percent noong April. Noong May 2025, nasa 0.7 percent lang ito.
Pangunahing dahilan ang mas mabagal na taas-presyo ng vegetables, tubers, plantains, cooking bananas and pulses, mula 10.4 percent tungo sa 6.2 percent.
Bumilis din ang annual decrease sa meat and other parts of slaughtered land animals, mula 1.9 percent tungo sa 2.5 percent.
Bumagal din ang taas-presyo ng fish and other seafood sa 8.8 percent mula 9.4 percent, oils and fats sa 8.5 percent mula 8.7 percent, fruits and nuts sa 4.9 percent mula 6.0 percent, at ready-made food sa 2.4 percent mula 2.5 percent.
Bumaba naman ng 0.2 percent ang milk, other dairy products and eggs, mula sa dating 0.5 percent annual increase noong April.
Pero mas bumigat ang bigas at mais. Ang rice inflation ay umakyat sa 15.6 percent noong May mula 13.7 percent noong April. Ang corn inflation ay tumaas sa 25.5 percent mula 21.0 percent.
Mas mabilis din ang pagtaas ng flour, bread and other bakery products, pasta products, and other cereals sa 3.5 percent mula 3.0 percent.
Sa food inflation, pinakamalaki ang ambag ng cereals and cereal products, kabilang ang rice, corn, flour, bread, pasta, at iba pang cereals. May 65.5 percent share ito, o 3.8 percentage points.
Sumunod ang fish and other seafood na may 26.0 percent share o 1.5 percentage points, at vegetables, tubers, plantains, cooking bananas and pulses na may 9.1 percent share o 0.5 percentage point.
Samantala, tumaas ang core inflation sa 4.1 percent noong May mula 3.9 percent noong April. Hindi kasama sa core inflation ang piling food at energy items. Noong May 2025, nasa 2.2 percent ito.
Sa National Capital Region (NCR), bumagal ang inflation sa 5.0 percent noong May mula 5.5 percent noong April.
Sa mga area outside NCR, bumaba rin ang inflation sa 7.1 percent mula 7.7 percent.
Sa labas ng NCR, 12 regions ang nagtala ng mas mababang inflation noong May kumpara noong April. Pinakamababa ang Negros Island Region sa 5.4 percent, habang pinakamataas ang Central Visayas sa 10.8 percent. /Bistado