Arestado si Gawad Kalinga founder Tony Meloto sa Angat, Bulacan kaugnay ng kasong qualified trafficking in persons na non-bailable, ayon sa mga awtoridad.
Kinumpirma ng Police Regional Office 3 na isinagawa ang pag-aresto nitong Biyernes, May 29, matapos maglabas ng warrant ang isang regional trial court sa Malolos City, Bulacan. Walang inirekomendang piyansa sa warrant.
Ayon kay Police Brigadier General Jess Mendez, regional director ng PRO-3, nakabatay ang pag-aresto sa warrant para sa dalawang bilang ng qualified trafficking in persons.
Nag-ugat ang kaso sa reklamo ng dalawang dating male beneficiaries ng Gawad Kalinga, na nagsabing inabuso umano sila ni Meloto noong 2017. Sa loob ng organisasyon, kilala si Meloto bilang “Tatay TM.”
Noong September 2025, nakakita ng probable cause ang Department of Justice para sampahan si Meloto ng dalawang bilang ng sex trafficking. Ayon sa DOJ resolution, ang “acts committed” ni Meloto ay “fall within the definition and elements of sex trafficking, qualified by abuse of authority.”
Sinabi rin ng prosecutors na ang umano’y ginawa ni Meloto ay “not isolated acts of sexual misconduct or lascivious acts” kundi isang “structured system of sexual exploitation facilitated by organizational hierarchy and deception.”
Ayon kay Prosecutor General Richard Fadullon, si Meloto ay “held a position of authority over the complainants” at “abused them sexually to satisfy his lustful desire.”
Sinabi naman ni Deputy State Prosecutor Olivia Laroza Torrevillas na si Meloto ay “received, maintained, and harbored” ang complainants “by accepting them under care and control, giving them shelter and place of refuge, providing them some basic needs in order to facilitate exploitation.”
Batay sa reklamo, nangyari umano ang pang-aabuso habang scholars ng Gawad Kalinga programs ang dalawang complainants sa GK Enchanted Farm sa Angat, Bulacan, noong 2017. Isa rin sa kanila ang nagsabing nakaranas siya ng abuse habang kasama si Meloto sa isang speaking engagement para sa GK sa Lyon, France.
Tinawag naman ni Meloto ang mga reklamo bilang “demolition job.”
Ayon sa mga ulat, umalis si Meloto sa Gawad Kalinga noong 2017 matapos ang internal investigation na isinagawa ng board ng organisasyon.
Itinatag ni Meloto ang Gawad Kalinga noong 2003 bilang social arm ng Couples for Christ. Matapos ang internal feud, humiwalay ang GK sa Couples for Christ noong 2009. /Bistado