Ipinag-utos ni Philippine National Police chief Gen. Jose Melencio Nartatez Jr. ang internal investigation sa alegasyong may local police na nag-escort kay Sen. Ronald “Bato” Dela Rosa palabas ng Senate compound noong May 14.
Sa pahayag nitong Linggo, sinabi ni Nartatez na ipinapasuri na niya ang logbooks, CCTV feeds, at radio dispatches noong umagang iyon.
“Let me be absolutely clear: the Philippine National Police does not operate on blind because the integrity of our institution is at stake. While we have received the initial clarification from the Pasay City Police Chief, I have already directed concerned investigative units to conduct an independent review of the logbooks, CCTV (closed-circuit television) feeds, and radio dispatches from that morning,” ani Nartatez.
Nauna nang kinumpirma ni Pasay City Police chief Col. Joselito de Sesto na siya ang nasa loob ng white police vehicle na nakitang lumalabas ng Senate compound bandang 3 a.m. noong May 14.
Kasabay umano nito ang isang black van na pinaghihinalaang sakay na si Dela Rosa.
Itinanggi naman ni De Sesto na nagbigay siya ng escort.
Nagbabala si Nartatez na mahaharap sa administrative at criminal sanctions ang sinumang mapatutunayang nagbigay ng unauthorized assistance para makaiwas sa legal processes.
“If the investigation reveals that there was any unauthorized coordination, false reporting, or logistical support given to evade legal processes, those involved will face the full brunt of administrative and criminal sanctions,” ani Nartatez.
Nauna nang lumitaw si Dela Rosa sa Senado noong May 11 matapos halos anim na buwang hindi makita sa publiko sa gitna ng mga ulat tungkol sa arrest warrant mula sa International Criminal Court.
Inilagay siya sa Senate custody at nanatili sa gusali ng Senado nang ilang araw. Kalaunan, umalis siya sa Senate compound ilang oras matapos ang gunfire incident noong nakaraang gabi.
Itinanggi rin ni Nartatez na may authorization mula Camp Crame para sa covert assistance o special movement operations.
“As the Chief of the PNP, I categorically state that the national leadership had no prior knowledge of, nor did it authorize any logistical assistance for, the departure of Senator Dela Rosa from the Senate premises. Our deployment in the area was strictly confined to public safety, crowd control, and managing the perimeter following the highly volatile shooting incident that occurred hours prior,” ani Nartatez. /Bistado