Tatlong araw na lang ang natitira bago matapos ang voter registration period para sa Barangay at Sangguniang Kabataan Elections, (BSKE), kaya muling hinimok ang publiko na magparehistro na.
Ayon sa Commission on Elections (Comelec), bukas ang voter registration mula October 20, 2025 hanggang May 18, Martes hanggang Sabado, kabilang ang holidays.
Maaaring magparehistro mula 8:00 a.m. hanggang 5:00 p.m. sa Office of the Election Officer sa inyong lugar o sa Satellite/Mall Voter Registration Sites.
Para sa Senior Citizens, Persons with Disability, at mga nagdadalang-tao, mayroong express lane na nakalaan para sa kanila sa voter registration.
Sa ilalim ng Comelec rules, maaaring mag-apply para sa voter registration ang Filipino citizen na hindi pa rehistradong botante, basta pasok sa qualifications at hindi disqualified by law.
Para sa National and Local Elections, kailangang “At least eighteen (18) years of age on or before the day of the National and Local Elections,” residente ng Pilipinas nang hindi bababa sa isang taon, at residente sa lugar kung saan boboto nang hindi bababa sa anim na buwan bago ang eleksyon.
Kailangan ding magdala ng valid identification document para mapatunayan ang identity sa paghahain ng application.
Kabilang sa tinatanggap na IDs ang National ID sa ilalim ng PhilSys, Postal ID, PWD ID, student’s ID o library card na signed by the school authority, Senior Citizen ID, LTO driver’s license o student permit, NBI clearance, Philippine passport, SSS/GSIS o iba pang Unified Multi-Purpose ID, IBP ID, PRC license, NCIP Certificate of Confirmation para sa members of ICCs or IPs, barangay identification o certification with photo, at iba pang government-issued valid IDs.
Hindi tatanggapin ang Community Tax Certificate o cedula at PNP clearance bilang valid identification documents para sa registration.
Para sa kumpletong detalye sa qualifications, disqualifications, documentary requirements, at registration process, bisitahin ang Comelec website sa comelec.gov.ph at Facebook page sa facebook.com/comelec.ph. /Bistado