Target ng Meralco ang makapasok sa top four sa laban kontra Terrafirma sa PBA Commissioner’s Cup ngayong Biyernes simula 5:15 p.m. sa Ninoy Aquino Stadium sa Maynila.
Kung sakaling masungkit ang ikatlong sunod na panala para sa 8-3 kartada, sigurado na ang Bolts sa top four, manalo o matalo man sa Magnolia Chicken Hotshots (6-5) sa pagtatapos ng elimination round sa Linggo.
Wala na rin habol sa twice-to-beat bonus sa quarterfinals ang San Miguel Beer, TNT, Magnolia at Phoenix kung sakaling manalo ang Meralco.
NLEX ang No. 1 seed ngunit pwestuhan pa para sa 2 to 4, kabilang ang Barangay Ginebra at Rain Or Shine.
Sibak na ng Dyip (4-7) pero hindi mawawala ang posibilidad na masilat ang koponan ni coach Luigi Trillo.
“One game at a time. We’re locked in on Terrafirma,” ani Trillo matapos ang 108-93 panalo kontra Blackwater noong Linggo.
“We’ve been on the outside for the last few conferences, so to get into the top four would be a huge boost for our team. But we know that just because we have that we can’t let our guard down,” dagdag ng beteranong si Chris Banchero.
Sa second game simula 7:30 p.m., maghaharap ang Rain or Shine at Titan Ultra, na isa sa limang koponan na maaga ang bakasyon.
Sigurado na ang quarterfinal bonus ng Elasto Painters, bagama’t galing sa dalawang sunod na talo.
“We’re in, but we’re not satisfied with how we’ve been playing,” ani ROS coach Yeng Guiao.
“The twice-to-beat is there, but it means nothing if we go to the quarters out of sync. This game is about getting our rhythm back.”
Aminado si Guiao na delikado sila sa Titan Ultra dahil may gusto itong patunayan.
“They’re dangerous because they have no pressure,” ani Guiao. “We can’t relax. We need to treat this like a playoff game.”