Arestado ng Philippine National Police (PNP) ang Top 1 Most Wanted Person sa regional level na nahaharap sa four counts ng Qualified Rape of a Minor.
Nahuli ang 39-anyos na lalaking suspect bandang 3:00 p.m. noong May 2 sa Purok 4, Lawis, Barangay Baybayon, Mabini, Bohol. Residente siya ng Meycauayan City, Bulacan.
Pinangunahan ang operasyon ng Tracker Team ng Provincial Intelligence Unit ng Bulacan Police Provincial Office, kasama ang Meycauayan City Police Station, Bulacan 1st Provincial Mobile Force Company, at Mabini Municipal Police Station sa Bohol.
Natunton ang lokasyon ng akusado sa pamamagitan ng focused intelligence work.
Isinilbi ang Warrant of Arrest na may petsang November 18, 2025, na inilabas ng Presiding Judge ng Regional Trial Court, Branch 121 sa Meycauayan City, Bulacan. Nakasaad dito ang four counts ng Qualified Rape of a Minor, na walang inirekomendang piyansa.
Nasa police custody na ang akusado. Ibabalik ang warrant sa issuing court habang hinihintay ang Commitment Order.
Binigyang-diin ni PNP Chief PGEN Jose Melencio C. Nartatez Jr. na tuloy ang pagtugis sa mga akusadong umiiwas sa hustisya, lalo na sa kasong may kinalaman sa menor de edad.
“We will continue to pursue those who attempt to evade justice, especially in cases involving grave offenses against minors. Our operations remain focused on bringing offenders before the courts without delay,” ani Nartatez.
“Hindi kami titigil sa pagtugis sa mga akusado sa krimen laban sa kabataan. Sisiguraduhin naming haharap sila sa hustisya,” dagdag niya. /Bistado