Ibabalik ang direktang lipad ng Philippine Airlines (PAL) sa pagitan ng Manila at Saipan simula October 25, 2026.
Muling bubuksan ng flag carrier ang nonstop service sa Saipan, Northern Mariana Islands.
Ayon sa PAL, tatlong beses kada linggo ang Manila-Saipan flights, tuwing Martes, Huwebes at Linggo.
Aalis ang PR157 mula Manila ng 11:25 p.m. at darating sa Saipan ng 5:35 a.m. kinabukasan.
Ang return flight na PR158 naman ay aalis sa Saipan tuwing Lunes, Miyerkules at Biyernes ng 6:50 a.m. at lalapag sa Manila ng 8:55 a.m.
Gagamit ang PAL ng Airbus A321 aircraft sa ruta, na may Business Class at Economy Class.
“We are delighted to restore our direct flights between Manila and Saipan, strengthening the air bridge between the Philippines and the Northern Mariana Islands,” sabi ni PAL President Richard Nuttall.
“We look forward to serving travelers, families and communities who rely on this important connection,” dagdag niya. /Bistado