Wagi ang Pilipinas ng dalawang ginto sa 11th Asia-Oceania Sambo Championships nitong Sabado sa pamamagitan nina world No. 7 Jomary Torres at Princess Aumagel Cortez.
Si Torres, 29, ang unang Pinoy na gold medalist nang ma-knock out si Zhadyra Paiyz ng Kazakhstan, 17 segundo lamang mula ng umpisahan ang bakbakan sa adult women’s combat sambo -50 kg final sa Ninoy Aquino Stadium in Malate, Manila.
Unang tinalo ng tubong Dipolog, Zamboanga del Norte na si Torres is Dilbara Raimzhanova ng Kyrgyzstan, 7-2, sa semifinals.
Sumunod ang ginto ni Cortez sa combat sambo women’s -59 kg laban kay Mervet Berdikhanova ng Kazakhstan din sa iskor na 9-2.
Hindi naipagtanggol ni World No. 1 Sydney Sy ang korona sa women’s sports sambo +80 kg at natalo kay Arailym Abenova Kazakhstan upang makuntento sa pilak.
Si Abenova ang nagwagi noong 2021 nang ginanap ang torneo sa Uzbekistan.
Bago matapos ang gabi, nakakuha naman ng bronze medal si Godwin Langbayan sa men’s -64 kg combat division.
“Our Pinoy medalists officially showed up and showed out on home soil today! The hard work paid off, the crowd went wild and the medals are staying right here in Manila,” ayon sa post sa Facebook ng Pilipinas Sambo Federation, Inc.
Na-unang kumuha ng dalawang silver medal sina Sophia Nicole Novino (women’s youth -47 kilogram) at Christi Angelic Espolong (women’s junior combat sambo -59kg).
Bronze medals naman ang ambag nina Julian Henry Flores (men’s junior combat sambo -98kg), Daniel Justin Virtudazo (men’s junior combat sambo -88kg subgroup A1) at Johann Matthew San Miguel (men’s junior combat sambo -58kg).