Bumisita ang mga opisyal ng Lanao del Norte sa National Academy of Sports (NAS) sa New Clark City sa Capas, Tarlac upang tuklasin ang posibilidad na magtatag ng satellite campus sa Mindanao Civic Center (MCC) sa Tubod.
Personal na ipinasyal ni Philippine Sports Commission (PSC) Chair Patrick Gregorio sina Lanao Del Norte 1st District Rep. Imelda Dimaporo at Provincial Administrator Lyndon Calica sa makabagong mga pasilidad ng NAS.
Pinangunahan ni NAS Deputy Executive Director Emil Arroyo ang campus tour para sa mga opisyal ng Lanao del Norte.
Pinag-aralan ng delegasyon ang mga dormitoryo para sa mga atleta bilang modelo para sa mga katulad na pasilidad na itatayo sa MCC.
“The NAS is designed to nurture the finest grassroots athletes and prepare them to become medal-winning national athletes. Replicating such a facility in Mindanao will give young athletes from the region the same opportunities to reach their dreams without having to leave home too early,” ani Gregorio.
Ang NAS, na nakatuon sa pagtuklas at pagpapaunlad ng pinakamahusay na mga high school athlete sa bansa, ay nagbibigay ng malinaw na landas para sa mga promising talent mula elementarya at sekondarya upang umunlad bilang mga elite national athlete at kalaunan ay kumatawan sa Pilipinas sa mga internasyonal na kompetisyon.
Si Department of Education Secretary Sonny Angara ang namumuno sa NAS, habang si Gregorio ang bise ng board of directors, sa ilalim ng pamumuno ni Executive Director at propesor na si Francis Diaz.
“A satellite NAS campus at the Mindanao Civic Center will be a game-changer for our youth. It will open doors for Mindanao athletes to train, study and dream of representing the country in international competitions,’’ ani Dimaporo.
“This is about giving them hope and a clear pathway to success.”
Kinumpirma ni Calica, na kumakatawan kay Lanao Del Norte Governor Mohamad Khalid, na iho-host ng lalawigan ang kauna-unahang Mindanao Youth Games sa Abril 11 hanggang 17, 2027 sa MCC.
Titipunin ng event ang libu-libong atleta na 18 taong gulang pababa mula sa 33 lungsod sa anim na rehiyon ng Mindanao. Sasali rin ang Timor Leste bilang guest team.
Sasaklaw ang mga kompetisyon ng 12 hanggang 15 sports, kabilang ang football, athletics, swimming, basketball, volleyball, archery, tennis, combat sports at weightlifting.
“The Mindanao Youth Games will showcase the best of our young athletes and position Lanao del Norte as a hub for sports tourism. Hosting this event is not just about competition, it is about peace, development, and giving our youth a platform to shine,” ani Calica.
Sa sentro ng 66-hectare complex ng MCC ang isang FIFA-certified football pitch, na sinasamahan ng World Athletics-standard track and field oval.
Ipinagmamalaki rin ng MCC ang isang Olympic-size swimming pool na katabi ng 25-meter training pool.
Sa loob ng 5,000-seater gymnasium nito, tampok ang basketball at volleyball courts, habang may espasyo din para sa archery, tennis, combat sports at weightlifting.
“I think you have the best sports facilities in the country. Maybe you don’t realize it, but it is really world-class,” papuri ni Gregorio kay Dimaporo sa Lanao Del Norte Sports and Youth Summit na ginanap sa Tubod noong Hulyo.
Ang lalawigan, katuwang ang PSC at Philippine Amateur Baseball Association, ay patuloy na nagpapalawak sa complex sa pamamagitan ng pagtatayo ng baseball at softball diamond.
“People will realize that we don’t only host events in Manila. We go outside of Metro Manila, we go to the Visayas, we go to Mindanao. The focus also is to develop regional training centers. When you upgrade facilities in the provinces, it’s an opportunity to host as well,’’ ani Gregorio.
Nauna nang nag-host ang MCC ng 2003 Palarong Pambansa at itinatakda bilang regional training center para sa football, baseball at iba pang sports.