Nasa bansa pa si Liza Soberano kasama ang “Forgotten Island” co-star na si H.E.R. para sa promo ng kanilang DreamWorks movie project na nabanggit.
Sa harap ng entertainment media ay naikumusta sa dating kilalang young actress ng bansa ang mga pagbabago sa kanyang career ngayon abroad, particular ang mga ginagawa niya sa Hollywood.
“Ï can’t be more thankful and grateful. It’s not an easy one but at least, pinoy artists or those who have already opened the doors for someone like me, made it quite simpler a reality,” pahayag ng napakagandang aktres.
Binanggit ni Liza ang mga gaya nina Lea Salonga, Dolly de Leon, apl de app, Jo Koy, etal, bilang ilan lamang sa mga pinoy celebrities na nakapagdala daw ng pangalan ng Pilipinas sa global consciousness at nagbukas ng pintuan sa mga gaya niyang nangangarap ding magkaroon ng puwang sa hollywood film-tv-music industries.
“Silang mga nauna, sila talaga yung mga nagsikap for us to having this kind of opportunity and we are obliged to do our best, deliver our responsibility and roles,” dagdag pa ni Liza.
Sa nalalapit na pagpapalabas ng “Forgotten Island,” ibo-boses ni Liza bilang isa sa dalawang lead voices ng animation film si Raissa, kasama nga ang best friend nitong si Jo na boses naman ni Grammy-winning artist H.E.R. na may lahi ding pinoy.
Ang istorya nga ng naturang animated film ay tungkol sa pagkaka-kulong ng magkaibigan sa magical, forgotten island ng Nakali kung saan need nilang makalabas at makauwi sa mga bahay nila.
In the process ay makaka-engkuwentro nila ang iba’t-ibang mga uri ng mga pinoy halimaw, mula sa aswang, manananggal, tikbalang atbp na kailangan nilang harapin. Naka-base sa pinoy folklore ang naturang film na first time ngang mapapanood sa isang Hollywood project.
Ito rin ang kauna-unahang Hollywood project na 90% ng mga involved s main cast at production ay mga pinoy at may lahing pinoy gaya nina Lea Salonga as the dreaded Manananggal, Manny Jacinto, Dolly de Leon, at Jo Koy, alongside Dave Franco at Jenny Slate.
Samantala, isa pa rin sa recent big activity ni Liza ang pagiging jury member niya sa paparating na Golden Globes Impact Prize jury at Venice Film Festival
Napili si Liza para makasama bilang jury sa Golden Globes Impact Prize for Documentary, na ipiprisinta ng Artemis Rising Foundation para sa seremonya sa darating na Venice Film Festival.
Ayon sa report ng kilalang Variety magazine, “Soberano’s participation as part of the jury, the Filipino actress will help recognize a documentary feature in the festival’s official selection, whether in or out of competition, that demonstrates the power of documentary filmmaking to shed light on important social issues through compelling storytelling.”
Sa kaugnay na balita, naririto naman ang sagot ni Liza, “I’m honored to serve on this jury, because celebrating documentary filmmakers isn’t only about recognizing extraordinary talent; it’s where the future of cinema is heading.”
Makakasama ni Soberano sa nasabing event sina Golden Globes president Helen Hoehne; Oscar-winning producer and Artemis Rising Foundation founder Regina K. Scully; Oscar-winning producer and Impact Partners co-founder Geralyn White Dreyfous; and Think-Film Impact Production founder and CEO Danielle Turkov Wilson.