Nakipag-partner ang GCash sa international remittance platform na Taptap Send para gawing mas madali at fee-free ang pagpapadala ng pera ng overseas Filipino workers (OFWs) sa kanilang pamilya sa Pilipinas.
Sa partnership, maaaring direktang magpadala ang OFWs gamit ang Taptap Send papunta sa GCash accounts.
Unang magiging available ang serbisyo sa Bahrain, kung saan maaaring magpadala sa GCash nang walang service fee sa limited period, bagama’t applicable pa rin ang standard foreign exchange rates.
Unti-unti ring palalawakin ang serbisyo sa United States, kabilang ang Hawaii pero hindi Las Vegas, Canada, United Kingdom, United Arab Emirates, at Australia.
Kasama rin sa expansion ang Austria, Belgium, Croatia, Cyprus, Denmark, Finland, France, Germany, Greece, Ireland, Italy, Luxembourg, Malta, Netherlands, Norway, Portugal, Romania, Slovakia, Spain, Sweden, Czechia, Estonia, at Hungary, pati ang French territories na Mayotte at Réunion.
“Our partnership with GCash allows us to make it even easier for overseas Filipinos to send money home through a trusted digital platform,” sabi ni Taptap Send Head of Philippines Growth and SEA Expansion Faye Sta. Ana-Corpuz.
“By offering convenient transfers, competitive exchange rates, and zero transaction fees in supported corridors, we want to help OFWs make every remittance count and stay connected to the people who matter most,” dagdag niya.
Bahagi ang partnership ng pagpapalawak ng GCash ng remittance options sa pamamagitan ng accredited international partners.
“At GCash, we recognize the important role remittances play in helping Filipino families manage their everyday needs and build a more secure financial future,” sabi ni GCash International Vice President for International Payments Carlos Bauza.
“By working with trusted international partners like Taptap Send, we are expanding access to safe, convenient, and reliable ways for Filipinos abroad to send money home while strengthening their connection to the Philippines,” dagdag niya. /Bistado