Inihahanda na ng Bureau of Customs (BOC) ang pag-file ng charges laban sa mga individuals at entities sa likod ng alleged smuggling at misdeclaration ng Porsche 918 Spyder linked to actor Derek Ramsay.
Sinabi mismo ni Bureau of Customs Commissioner Ariel Nepomuceno na mahihirapan ang importer/s sa hawak nilang mga ebidensya tungkol sa naturang supercar.
Ayon sa BOC Commissioner, na-identify nilang ang Tobirama Enterprises ang ‘consignee on record,’ bearing the name “Mr. Singh” bilang siyang may-ari.
May warrant of seizure and detention ng na-serve para sa supercar. subalit mayroon pa umanong mga prosesong pinag-aaralan bago nila i-file ang pormal na pagsampa ng kaso o mga kaso.
Paliwanag ni Nepomuceno, “It’s a process wherein the importers, the brokers, and even our own people, will be given the chance to present their documents and the receipts, to exculpate them or to free them up from the case that we will eventually file.”
Batay sa initial findings, nagkaroon ng misdeclaration ang Porsche 918 Spyder dahil idineklara ito bilang isang Porsche Boxster.
Nagbayad ang importer nito ng halagang P1.8 million bilang duties and taxes para sa Porsche Boxster imbes na P3.8 million para sa Porsche Spyder 918, na siya ngang nahuli ng LTO.
“Uphill na ’yan. Without really appearing [to be] prejudging the investigation, actually, doon na rin papunta ’yung conclusion. I don’t see any reason or any chance anymore for the importers to overturn what’s obviously on the record,” deklara ni Nepomuceno.
Naglabas last August 25 ng warrant of seizure and detention (WSD) ang BOC laban kay Derek Ramsay “for the alleged misdeclaration and underpayment of taxes for the Porsche 918 Spyder,” na naka-rehistro na nga sa name ni Ramsay.
Ang nag-isyu ng naturang WSD ay ang tanggapan ng Manila International Container Port (MICP) ni Collector Felipe Geoffrey De Vera IV ayon naman kay BOC-Office of the Commissioner (OCOM) Deputy Chief of Staff Chris Noel Bendijo.
Binibigyan ng two weeks si Ramsay para sagutin at magsumite ng mga kailangang dokumento upang patunayan na walang discrepancy sa ginawa niyang pagbayad ng duties at taxes.
“If he fails to do this or submits insufficient documents, then we would issue a forfeiture order and, if made final, the car would be auctioned off, and the proceeds would be part of the government’s funds,” sambit pa ni Bendijo.
Ang supercar na pinag-uusapan ay tinatayang nagkakahalaga ng P48.02 million na naipasok sa bansa noong 2021 subalit inilista lamang na may value na P3.26 million at minis-declare nga bilang Porsche Boxster imbes na Porsche Spyder.
Nagbayad lamang daw ito ng kaukulang taxes na P1.8 million, imbes na P32 million.
Kung meron man daw na mga BOC personnel or official/s na sangkot sa naturang ‘scheme’ ng pagpapasok sa bansa at pag-misdeclare nito, “they should be held liable for grave misconduct that would warrant dismissal from the service, and for possible criminal violation of the Customs Modernization and Tariff Act (CMTA).”