Target ng Megaworld na palakihin sa halos 12,000 rooms ang hotel portfolio nito pagsapit ng 2032 habang pinalalawak ang hospitality business sa mga pangunahing tourism at business destinations sa bansa.
Kabilang sa pagtutuunan ng expansion ang Palawan at Ilocos Norte, kasabay ng pagpapalawak sa iba pang tourism hubs gamit ang sariling hotel brands at international brands.
Para suportahan ang expansion, binuo ng property developer ang Megaworld Global Hotels and Resorts (MGHR), na magsasama sa hotel portfolio nito sa ilalim ng dalawang operating groups.
Ang Megaworld Hotels & Resorts ang mamamahala sa properties sa Metro Manila, Boracay, Batangas, at Cebu.
Ang Megaworld Global Hospitality naman ang mangangasiwa sa Mövenpick Manila Bay Westside, ang pinakamalaking hotel ng kumpanya, pati sa mga bagong properties sa Palawan at tatlong hotels sa Iloilo: Courtyard by Marriott, Richmonde Hotel Iloilo, at Belmont Hotel Iloilo.
“One of our biggest contributions to nation-building is to help make our tourism industry more vibrant and attractive, especially to foreign visitors,” sabi ni Megaworld President at CEO Lourdes Gutierrez-Alfonso.
Pamumunuan ni Socrates Alvaro ang Megaworld Hotels & Resorts bilang managing director, habang si Anna Vergara ang magiging managing director ng Megaworld Global Hospitality.
May halos dalawang dekada ng hospitality experience si Alvaro sa United Kingdom, United Arab Emirates, Egypt, Maldives, Thailand, at iba pang Asian markets. Si Vergara naman ay mahigit 32 taon na nagtrabaho sa Marriott International.
Ayon kay Alliance Global Group Inc. President at CEO Kevin L. Tan, maaaring makatulong ang tourism sa sustainable economic growth sa pamamagitan ng paglikha ng trabaho, pagsuporta sa local businesses, pag-akit ng visitors, at pagbubukas ng opportunities sa mga komunidad.
Hospitality ang fastest-growing recurring-income segment ng Megaworld sa first half ng 2026, matapos tumaas ng 11 percent ang revenue nito sa P3.1 billion.
Nakatulong sa paglago ang pagbubukas ng 405-room Belmont Hotel Iloilo, na nagdala sa kabuuang hotel room inventory ng Megaworld sa Iloilo sa halos 1,000 rooms. /Bistado