Nagbabala ang Philippine Atmospheric, Geophysical and Astronomical Services Administration (Pagasa) sa malalakas na ulan sa ilang bahagi ng Luzon hanggang Sabado dahil sa Southwest Monsoon o Habagat.
Sa Weather Advisory No. 15 na inilabas alas-11 ng umaga nitong August 26, posibleng makaranas ang Zambales ng 50 hanggang 100 millimeters na ulan mula ngayong araw hanggang Huwebes ng tanghali, August 27.
Mula Huwebes ng tanghali hanggang Biyernes ng tanghali, August 28, inaasahan ang 50 hanggang 100 millimeters na ulan sa La Union, Pangasinan, Benguet, Zambales, Bataan, at Occidental Mindoro.
Mas lalakas ang ulan mula Biyernes ng tanghali hanggang Sabado ng tanghali, August 29.
Posibleng makaranas ng 100 hanggang 200 millimeters na ulan ang Zambales, Bataan, at Occidental Mindoro.
Sa parehong period, inaasahan ang 50 hanggang 100 millimeters na ulan sa Ilocos Sur, La Union, Pangasinan, Abra, Benguet, Tarlac, Pampanga, Bulacan, Metro Manila, Rizal, Cavite, at Batangas.
Ayon sa Pagasa, maaaring mas mataas pa ang rainfall sa mountainous at elevated areas. Maaari ring lumala ang epekto sa mga lugar na nakaranas na ng significant antecedent rainfall.
Pinayuhan ang publiko at concerned disaster risk reduction and management offices na gawin ang lahat ng kinakailangang hakbang para protektahan ang buhay at ari-arian. /Bistado