Nag-alay ng Holy Mass ang mga miyembro ng clergy nitong Huwebes para sa House impeachment prosecution team bago ang opisyal na pagsisimula ng impeachment trial ni Vice President Sara Z. Duterte sa July 6.
Idinaos ang misa alas-9:00 ng umaga sa Chapel of the Nativity ng Immaculate Conception Cathedral of Cubao sa Quezon City. Pinangunahan ito ng Clergy for Good Governance bilang pakikiisa sa prosecution team.
Anim na public prosecutors ang dumalo, pinangunahan ni House Lead Prosecutor Atty. Gerville “Jinky Bitrics” Luistro, kasama sina House prosecutors Rep. Joel Chua, Rep. Leila de Lima, Rep. Lorenz Defensor, Rep. Arlene “Kaka” Bag-ao, at Rep. Ysabel Maria “Bel” Zamora.
Dumalo rin sina private prosecutor at veteran lawyer Lorna Kapunan at iba pang private prosecutors.
Si Fr. Bong Sarabia, CM ang nagsilbing main celebrant, habang si Msgr. Mel David ng Parañaque ang nagbigay ng homily.
Kasama rin sa Misa ang priest-complainants na sina Fr. Flavie Villanueva, SVD, Fr. Bong Sarabia, CM, Fr. Robert Reyes, at Fr. Joel Saballa, kasama ang concelebrators na sina Fr. Niño Etulle, SCJ, Fr. Choi Gliponeo, Fr. Raul “Puti” Enriquez, at Fr. Manoling Francisco, SJ.
Sa kanyang homily, inilarawan ni David ang July 6 trial bilang mahalagang sandali ng pagharap ng bansa sa katotohanan.
“The Filipino people is looking up to July 6 as an opportunity for the whole Filipino people to rise up and walk,” sabi ni David.
Sa harap ng public at private prosecutors, sinabi ni David na higit pa sa courtroom argument ang tungkulin ng prosecution.
Aniya, pasan nila ang mabigat na papel na tulungan ang bansa na harapin ang katotohanan matapos ang ilang taong pagkadismaya ng publiko sa umano’y misuse of funds, questionable budget practices, at patronage-driven anti-poverty programs.
Binanggit ni David ang babala ng Catholic bishops tungkol sa “the scandalous misuse of public funds and resources,” gayundin ang “questionable insertions, cuts, and adjustments in the national budget,” na aniya’y nananatiling malinaw sa sambayanang Pilipino.
Inihalintulad niya ang papel ng prosecutors sa paghahalo sa malabong tubig upang lumitaw ang nakatagong katotohanan.
“Hahalukayin ninyo nang sa gayon ang katotohanan ay tuluyang lumabas at makita ng sambayanang Pilipino ang katotohanan,” sabi ni David.
Hinimok din ni David ang prosecutors na humugot ng lakas hindi sa kapangyarihan, posisyon, o palakpak ng publiko, kundi sa pananampalataya at konsensya.
“You have to take courage, not from human society, but from God,” sabi niya.
Giit niya, hindi sapat ang husay sa batas para sa tungkuling haharapin nila.
“You need wisdom that is not mastered by the knowledge you have, but rather by the guidance of the Holy Spirit,” sabi ni David.
Umasa rin si David na ang malinaw at tapat na paglalatag ng ebidensya ay makatutulong para kumbinsihin ang senator-judges na magpasya batay sa katotohanan.
“In presenting the truth, I do believe many of our senator judges will finally be convinced and vote for the truth,” sabi niya. /Bistado