Idineklara ni Pangulong Ferdinand Marcos Jr. ang June 24, 2026 bilang special non-working day sa City of Manila para sa pagdiriwang ng 455th Founding Anniversary nito.
Sa ilalim ng Proclamation No. 1320, sinabi ng Pangulo na “it is but fitting and proper for the people of the City of Manila be given full opportunity to participate in the occasion and enjoy the celebration.”
Nilagdaan ni Acting Executive Secretary Ralph Recto ang proclamation noong June 16, sa bisa ng awtoridad ng Pangulo.
Idineklara rin ni Marcos ang June 24 bilang special non-working day sa Municipality of Lian, Batangas sa ilalim ng Proclamation No. 1321.
Ang deklarasyon ay kaugnay ng pagdiriwang ng Sambuhos Festival, isang traditional water-dousing festival bilang parangal sa patron saint ng bayan na si Saint John the Baptist.
Ang pangalan ng festival ay mula sa Filipino words na isa, o one, at buhos, o pour. Tumutukoy ito sa tradisyon ng pagbubuhos ng tubig sa mga residente at bisita. /Bistado