Pinaalalahanan ng National Commission of Senior Citizens (NCSC) ang publiko, government agencies, at private establishments na kilalanin at tanggapin ang digital National Senior Citizens ID (NSCID) bilang valid proof of identity ng Filipino senior citizens sa lahat ng transaksyon.
Batay sa NCSC Public Advisory No. 1, Series of 2026, ang digital NSCID na nasa eGovPH App ay maaaring gamitin ng senior citizens para makuha ang kanilang legal benefits at serbisyo.
Kasama rito ang 20 percent discount at value-added tax (VAT) exemption sa medicines, food, transportation, at iba pang covered goods and services.
Maaari rin itong gamitin para sa government services, assistance programs, benefits, at priority accommodations sa public at private establishments.
Sakop din ng advisory ang banking, financial, at identity verification transactions, kabilang ang account opening, loan applications, at benefit claims.
Ayon sa NCSC, maaari ring ipresenta ang digital NSCID sa mga transaksyon kung saan kailangan o karaniwang tinatanggap ang Senior Citizen ID.
Nilinaw ng ahensya na dapat tanggapin ang digital NSCID gaya ng ibang government IDs na available sa eGovPH App.
“We call on all institutions and establishments to accept the digital NSCID in accordance with the law, similar to other government IDs available through the eGovPH App,” ani NCSC Chairperson and CEO Atty. Ma. Merceditas Gutierrez. /Bistado