Suportado ng Philippine Sports Commission (PSC) at ng Lungsod ng Maynila ang panukalang redevelopment ng makasaysayang Rizal Memorial Sports Complex (RMSC) sa Malate.
Ang plano ay maging world-class na sentro para sa sports at pamana ang RMSC bago ang pag-host ng Pilipinas sa 2027 Southeast Asian Plus Youth Games.
Nagpulong kamakailan sina PSC Chairperson Pato Gregorio at Manila Mayor Isko Moreno Domagoso sa city hall upang talakayin ang panukalang redevelopment.
Kabilang sa plano ang pagtatatag ng PSC Plaza, elevated walkway sa kahabaan ng Adriatico Street at bagong monumento ni pambansang bayani Dr. Jose Rizal.
“This is a defining moment for Philippine sports and heritage. The Rizal Memorial Sports Complex is a living symbol of our nation’s sporting legacy,” ani Gregorio sa isang news release noong Miyerkules.
“With the City of Manila’s support, we are working toward ensuring that this historic district will stand proudly on the international stage while continuing to serve the Filipino people for generations to come,” dagdag niya.
Nangako si Domagoso ng balanse sa pagitan ng pangangalaga sa pamana at makabagong RMSC.
“Manila is honored to work with the PSC on this important undertaking. This is about more than infrastructure. It is about pride, identity, and preparing our capital to welcome visitors in 2027,” ani Domagoso.
Tinalakay ng dalawang panig ang panukalang pagbabago ng dalawang lane ng Adriatico Street bilang walkable public pathway na bahagi ng planong PSC Plaza.
May kasunduan din ang PSC, Lungsod ng Maynila at SM Prime Holdings sa pagpapaganda ng paligid ng RMSC.
Tinalakay rin ang posibleng paglilipat ng estatwa ni Pablo Ocampo upang bigyang-daan ang panukalang Dr. Jose Rizal fencing monument, na sasailalim sa pag-apruba ng National Historical Commission of the Philippines.
Si Ocampo ay abogado at miyembro ng Malolos Congress, na bumuo ng unang konstitusyon ng Pilipinas noong 1898.
“This partnership is about readiness and vision. We are not only upgrading facilities, we are elevating Manila as a sports tourism capital and ensuring that our athletes, fans, and visitors experience the very best,” ani Gregorio.
“This is Manila’s legacy. By supporting this shared vision, we are helping build pathways literally and figuratively that connect our heritage to our future,” ani Domagoso.