Magbebenta ang Department of Energy (DOE) at National Power Corporation (NPC) ng government-procured diesel para matiyak ang tuloy-tuloy at abot-kayang kuryente sa missionary areas at remote communities na sineserbisyuhan ng National Power Corporation-Small Power Utilities Group (NPC-SPUG).
Sa ilalim ng Emergency Energy Security Program ng gobyerno, magbebenta ang Philippine National Oil Company-Exploration Corporation (PNOC-EC) ng hanggang 45 million liters ng diesel sa halagang P80 kada litro sa loob ng susunod na tatlong buwan.
Ang supply ay para sa new power providers (NPPs) at microgrid system providers (MGSPs) na nag-o-operate sa off-grid areas.
Ayon sa DOE, ang hakbang ay suporta sa direktiba ni President Ferdinand R. Marcos Jr. sa ilalim ng Executive Order No. 110 at UPLIFT framework para matiyak ang uninterrupted at affordable electricity sa mga probinsya at island communities na umaasa pa rin sa diesel-fired generation.
Target ng strategic measure na mapanatili ang reliable power sa mga lugar gaya ng Mindoro, Marinduque, Romblon, Palawan, Catanduanes, Masbate, at Siquijor, kung saan malaking bahagi ng electricity supply ay nakadepende pa rin sa diesel generation.
Sa ganitong setup, inaasahang mabibigyan ng fuel support ang NPPs at MGSPs sa malalayong lugar habang pinipigilan ang pagkaputol ng suplay ng kuryente at pagtaas ng gastos sa mga komunidad na wala pang koneksyon sa main grid. /Bistado