Hindi na pinaabot sa do-or-die at umuna na sa semifinals ng PBA Commissioner’s Cup ang Rain Or Shine at Barangay Ginebra.
Dinala ni Andrei Caracut sa huling tatlong minuto ang ROS para sibakin sa quarterfinals ang San Miguel Beer, 113-104, sa unang laro nitong Biyernes sa Ynares Center Antipolo.
Sa pangalawang laro, hindi nakaporma sa Ginebra ang Phoenix Super LPG, 112-81.
Umiskor si Caracut ng playoffs career-high 29 puntos, kabilang ang anim na tres. Ang kanyang four-point play ay kasama sa 9-0 run na nagbigay sa Elasto Painters ng 11 puntos na kalamangan mula sa 101-97 sa huling dalawa at kalahating minuto.
“We just had a good night,” ani ROS coach Yeng Guiao. “We felt na this is our best chance to get to the semifinals. We earned the twice-to-beat advantage, pero alam namin pag pinarating namin ng Sunday ito, malamang sa malamang hindi na namin tatalunin ang San Miguel. So this is our best chance to beat San Miguel.”
Nagdagdag sina Caelan Tiongson at import Jaylen Johnson ng tig-23 puntos.
“So, again, it’s the toughness. ‘Yung kung kailan kailangan ‘yung stop, kung kailan kailangan ‘yung puntos naibibigay nila. So I think that’s a good sign,” dagdag ni Guiao.
Pinangunahan ng import na si Bennie Boatwright ang SMB sa 24 puntos, bagama’t nahirapan ito sa depensa.
Sina Justin Brownlee at Scottie Thompson ang tumapos sa pangarap ng Fuel Masters nang pangunahan ang 14-2 run sa second quarter para sa 44-32 kalamangan.
Tuluyang lumayo ang Gin Kings sa pagtatapos ng first half, 64-44, at nagging 101-61 sa umpisa ng fourth quarter.
Nagtapos si Brownlee na may 24 puntos, 5 rebounds at 5 assists.
Si Thompson naman ay gumawa ng 16 puntos, 9 rebounds at 9 assists.
“It’s a total team effort,” ani Thompson. “We didn’t want another game kasi mahirap na, it will be a 50-50 game and Phoenix is a tough team.”
The Scores:
First Game
GINEBRA 112 – Brownlee 24, Thompson 16, Abarrientos 16, Holt 11, J.Aguilar 8, Rosario 8, Pinto 7, Gray 6, Estil 5, Cu 3, Torres 2, Go 2, R.Aguilar 2, Carino 2, Abis 0.
PHOENIX 81 – Rivero 15, Williams 13, Nelle 9, Tuffin 9, Perkins 7, Tio 7, Ando 7, Ynot 6, Cullar 3, Santos 3, Daves 2, Gozum 0, Delos Santos 0.
Quarters: 30-29; 64-44; 90-54; 112-81
Second Game
RAIN OR SHINE 113 – Caracut 29, Tiongson 23, Johnson 23, Nocum 18, Clarito 6, Asistio 6, Malonzo 4, Mamuyac 2, Santillan 2, Villegas 0, Manytay 0.
SMB 104 – Boatwright 24, Perez 19, Trollano 14, Cruz 12, Fajardo 12, Rosales 10, Lassiter 3, Tautuaa 3, Brondial 0.
Quarters: 27-all; 57-56; 83-all; 113-104