Nasabat ng Philippine National Police (PNP) ang hinihinalang shabu na nagkakahalaga ng P13.6 milyon sa multi-agency anti-illegal drugs operation sa Zamboanga City nitong April 30.
Bandang 7:18 a.m. isinagawa ang operasyon sa Zone 6, Kalye San Vicente, Barangay Ayala, kung saan narekober ang humigit-kumulang 2,000 grams ng hinihinalang shabu.
Arestado ang isang 29-anyos na lalaki, residente ng Barangay Ayala at orihinal na mula sa Jolo, Sulu. Nasa illegal drug watchlist siya bilang High-Value Individual.
Kabilang sa operasyon ang Regional Drug Enforcement Unit 9, Philippine Drug Enforcement Agency 9, Special Enforcement Teams, Naval Intelligence and Security Group-Western Mindanao, PDEG-Special Operations Units 9, 1st Special Operations Unit Maritime Group, 904th Mobile Company RMFB9, Zamboanga City Maritime Police Station, at Zamboanga City Police Station 9.
Nasa kustodiya na ng Zamboanga City Police Station 11 ang suspect para sa proper documentation at legal disposition. /Bistado